ٹی ٹونٹی کی نئی رینکنگ جاری، رضوان اور بابر کس نمبر پر ہیں؟

انٹر نیشنل کرکٹ کونسل نے ٹی ٹونٹی پلیئرز کی رینکنگ جاری کر دی ہے۔ آئی سی سی کی جانب سے جاری کردہ پلیئرز کی رینکنگ میں  پاکستان کے شاندار بلے باز محمد رضوان اور بابر اعطم کی ایک ایک درجہ تنزلی ہوئی ہے۔

تفصیلات کے مطابق نئی رینکنگ میں  محمد رضوان دوسرے سے تیسرے  نمبر پر چلے گئے ہیں۔ جبکہ بابر اعظم پانچویں نمبر چلے گئے ہیں۔ آئی سی سی کی جانب سے جاری کردہ  ٹی 20 رینکنگ میں پڑوسی ملک بھارت کے سوریا کمار یادیو پہلی پوزیشن پر براجمان ہیں،انگلینڈ کے فل سالٹ نے 18 درجے ترقی حاصل کر کہ  دوسرے نمبر پر قبضہ کر لیا ہے۔

آئی سی سی رینکنگ کے مطابق  ٹی 20 بولنگ میں  عادل رشید پہلے نمبر پر ہیں، راشد خان دوسرے  نمبر پر ہیں اور روی بشنوئی تیسرے نمبر پر برقرار ہیں، ویسٹ انڈیز کے عقیل حسین 2 درجے  ترقی پا کر چوتھے نمبر پر آ گئے،  اوس جاری کردہ رینکنگ کے مطابق ٹاپ 10 میں کوئی پاکستانی بولر شامل نہیں ہے۔

جبکہ دوسری جانب پاکستان کے فاسٹ بالر حسن علی کی ایک اور دلچسپ ویڈیو  سوشل میڈیا پر وائرل ہو گئی۔میلبورن ٹیسٹ کے دوران حسن علی گراؤنڈ میں خود کو ایکٹو رکھنے کیلئے ورزش کر رہے تھے کہ ان کے پیچھے سٹینڈز میں موجود شائقین نے بھی حسن علی کی نقل کرتے ہوئے ساتھ ساتھ ورزش شروع کردی۔ اس موقع پر کیمرہ مین نے کمال مہارت سے منظر کو کیمرے کی آنکھ میں محفوظ کرلیا اور پھر یہ ویڈیو سوشل میڈیا پر وائرل ہوگئی۔