بھارتی ڈان داؤد ابراہیم کو کراچی میں زہر دے کر مار دیا گیا

بھارتی ڈان داؤد ابراہیم کو کراچی میں زہر دے کر قتل کردیا گیا۔ یہ دعویٰ بھارتی میڈیا کی جانب سے سامنے آیا ہے۔ بھارتی میڈیا میں رپورٹ کیا جا رہا ہے کہ شیخ داؤد ابراہیم کراچی میں انتقال کر گئے ہیں اور انکی موت کی وجہ زہر خورانی ہے۔

خیال رہے کہ داؤد ابراہیم ممبئی کے ڈان ہیں اور 1992 سے قبل ہی وہ دبئی میں رہائش پزیر ہو گئے تھے، 1995 ممبئی حملہ اور 2007 تاج ہوٹل اٹیک میں انکا نام سامنے آتا رہا ہے جبکہ داؤد ابراہیم اقوام متحدہ اور سلامتی کونسل کی موسٹ وانٹڈ لسٹ میں بھی شامل ہیں۔

چند برس قبل پاکستانی سٹار کرکٹر جاوید میانداد کے بیٹے کی شادی داؤد ابراہیم کی بیٹی سے ہوئی تھی جس کے بعد بھارتی حکومت اور میڈیا نے واویلا مچا دیا تھا کہ داؤد ابراہیم پاکستان منتقل ہو چکے ہیں، اس سے قبل بھی بھارتی حکومت دعویٰ کرتی رہی تھی کہ داؤد ابداہیم کاسکر کراچی میں آباد ہین لیکن پاکستان نے ہمیشہ اس دعوے کی تردید کی ہے۔

اب بھارتی میڈیا نے نیا شوشہ چھوڑا ہے کہ داؤد ابراہیم کو کراچی میں زہر دے کر قتل کردیا گیا ہے۔ البتہ اس حوالے سے ابھی تک پاکستانی حکومت کا موقف سامنے نہیں آیا ہے۔