انڈونیشیا میں آج زلزلے کے شدید جھٹکے محسوس کیے گئے۔ ریکٹر سکیل پر زلزلے کی شدت 6 اعشاریہ 2 ریکارڈ کی گئی۔ تفصیلات کے مطابق انڈونیشیا کے صوبے مالوکو میں 6.2 شدت کا زلزلہ ریکارڈ کیا گیا۔ وسمیات اور جیو فزکس ایجنسی نے بتایا کہ انڈونیشیا کے صوبے مالوکو میں زلزلے کے جھٹکے محسوس کیے گئے، ریکٹر سکیل پر زلزلے کی شدت 6.2 ریکارڈ کی گئی ہے ۔ زلزلہ کے جھٹکے انڈونیشیا کے کئی جزائر میں محسوس کئے گئے اور لوگوں میں خوف و ہراس پھیل گیا۔
زلزے کا مرکز ضلع مالوکو تینگارا بارات سے 249 کلو میٹر شمال مغرب میں 10 کلو میٹر سمندر کی تہہ میں تھا، زلزلے سے کسی جانی اور مالی نقصان کی اطلاع نہیں ملی اور نہ ہی سونامی کا الرٹ جاری کیا گیا ہے۔
گزشتہ کچھ ہفتوں سے ایشائی ممالک میں زلزلے کے واقعات بڑھ گئے ہیں۔ نیپال، پاکستان اور افغانستان میں زلزلہ آ چکا ہے۔ افغانستان اور نیپال میں زلزلے کی وجہ سے شدید تباہی ہوئی ہے۔
