پاکستانی خواتین بغیر محرم کے حج پر جائیں گی، سعودی حکومت کی جانب سے اعلان کے بعد پاکستانی حجاج خواتین بھی محرم کے بغیر سفر کر سکیں گی۔ تفصیلات کے مطابق نگران وفاقی کابینہ نے حج پالیسی 2024 کی منظوری دیدی ہے۔ نئی حج پالیسی کے مطابق جنوبی ریجن سے جانے والی حجاج سرکاری سکیم کے تحت 10 لاکھ 65 ہزار روپے ادا کریں گے جبکہ شمالی ریجن کے حجاج 10 لاکھ 75 ہزار روپے ادا کریں گے۔
سعودی حکومت کی جانب سے دنیا بھر سے آنے والی خواتین حجاج کو بغیر محرم کے سفر کی اجازت ملنے کے بعد آئندہ حج میں پاکستان سے بھی خواتین بغیر محرم کے حج کر سکیں گی۔ سرکاری حج سکیم کے تحت 40 روزہ حج پیکج کے ساتھ ساتھ مختصر دورانیے کا 20 روزہ حج پیکج بھی متعارف کروایا جائے گا۔ پاکستانی حجاج کو کون کون سے سہولیات ملیں گی، مکمل تفصیلات جاننے کیلئے یہ مختصر ویڈیو دیکھ لیں:
پاکستان کو حج کیلئے سعودی عرب نے 1 لاکھ 79 ہزار 210 حجاج کا کوٹہ دیا ہے، حج پالیسی 2024 کے مطابق 50 ہزار حجاج پرائیویٹ حج سکیم کے تحت حج کریں گے جبکہ بقیہ سرکاری حج سکیم میں حج کا فریضہ ادا کریں گے جن میں سے 10ہزار حجاج سپانسرشپ سکیم کے تحت حج کریں گے۔ سپرانسرشپ سکیم کے تحت اپلائی کرنے والے حجاج بغیر قرعہ اندازی کے حج پر جائیں گے۔ سپانسرشپ سکیم کی تمام تفصیلات جاننے کیلئے نیچے موجود ویڈیو ملاحاظہ کریں:
وزیراعظم پاکستان انوار الحق کاکڑ نے وزارت مذہبی امور کو ہدایت کی ہے کہ پاکستانی حجاج کو کم سے کم پیسوں میں زیادہ سے زیادہ سہولیات فراہم کی جائیں۔
