آن لائن سمارٹ فون منگوانے والوں نے ڈیلیوری بوائے کو مار ڈالا
لکھنؤ :بھارتی شہر لکھنؤ میں ایک افسوسناک واقعہ پیش آیا جب ایک آن لائن آرڈر پر اسمارٹ فون ڈیلیور کرنے والے 30 سالہ ڈیلیوری بوائے بھرت پرجاپتی کو قتل کر دیا گیا۔
یہ واقعہ 23 ستمبر کو پیش آیا جب بھرت ایک گاہک ہمانشو کے گھر اسمارٹ فون پہنچانے گیا تھا۔ ہمانشو نے کیش آن ڈیلیوری کے تحت ایک اسمارٹ فون منگوایا تھا۔ بھرت جب اس کا آرڈر لے کر وہاں پہنچا تو ہمانشو اور اس کے ایک ساتھی نے اسے گلا گھونٹ کر قتل کر دیا اور لاش کو نہر میں پھینک دیا۔
بھرت کے دو دن تک گھر نہ پہنچنے پر اس کے والدین نے پولیس میں شکایت درج کرائی، جس کے بعد پولیس نے بھرت کا موبائل نمبر ٹریس کرتے ہوئے ملزمان تک رسائی حاصل کی۔ پولیس نے ہمانشو اور اس کے ساتھی کو گرفتار کرلیا، جنہوں نے دوران تفتیش قتل کا اعتراف بھی کرلیا، جبکہ ایک اور ملزم فرار ہے جس کی تلاش جاری ہے۔
