اسرائیلی فوج لبنان میں داخل، فضائیہ کی مدد بھی حاصل
تل ابیب / واشنگٹن: بین الاقوامی ذرائع ابلاغ کے مطابق اسرائیلی فوج لبنان میں داخل ہو چکی ہے۔ اس آپریشن میں انہیں فضائیہ کی مدد بھی حاصل ہے۔ اسرائیلی میڈیا کے مطابق اسرائیل کی دفاعی افواج نے جنوبی لبنان میں حزب اللہ کے خلاف "محدود اور ہدف پر مبنی چھاپے” کے ذریعے زمینی کارروائی شروع کر دی ہے۔
اسرائیلی فوج کا کہنا ہے کہ فضائیہ اور آئی ڈی ایف آرٹلری زمینی افواج کی مدد کے لیے علاقے میں مخصوص فوجی اہداف پر درست حملے کر رہی ہیں۔ اس آپریشن کا مقصد سرحدی علاقوں میں حزب اللہ کی چوکیوں کو نشانہ بنانا ہے۔
صیہونی افواج نے لبنان کے سرحدی علاقوں میں واقع دیہاتوں کو فوجی چھاؤنیوں میں تبدیل کر دیا ہے، جس سے مقامی آبادی کو مزید مشکلات کا سامنا ہے۔ ایک بین الاقوامی خبر رساں ادارے کے مطابق، لبنان کی فوج نے سرحدی علاقوں سے پانچ کلومیٹر پیچھے ہٹنے کا فیصلہ کیا ہے۔ اس دوران، حزب اللہ کے نائب رہنما نعیم قاسم نے کہا کہ ان کا گروپ اسرائیل کی زمینی کارروائی کا مقابلہ کرنے کے لیے تیار ہے۔
دوسری جانب، بیروت کے جنوبی مضافات میں اسرائیلی فضائی حملے کیے گئے ہیں۔ ایک سکیورٹی ذرائع کے مطابق زور دار دھماکوں کی آوازیں سنائی دے رہی ہیں، جو تقریبا ایک گھنٹے تک جاری رہیں۔ اس دوران، اسرائیلی فوج نے رہائشیوں کو خبردار کیا کہ وہ لبنانی دارالحکومت کے جنوب میں حزب اللہ کے اہم ڈھانچے پر مشتمل عمارتوں کے قریب علاقوں کو فوراً خالی کر دیں۔
4 اکتوبر کو ہر صورت ڈی چوک پہنچیں گے: علی امین گنڈاپور اسلام آباد: وزیراعلیٰ خیبر پختونخوا علی امین گنڈا…
پاکستان میں مہنگائی کی شرح ہماری توقعات سے زیادہ کم ہوئی ہے: وفاقی وزیر خزانہ اسلام آباد :وفاقی وزیر خزانہ…
پٹرول سستا مگر اشیاء کی قیمتوں میں کمی کیوں نہیں؟ حالیہ دنوں میں حکومت کی جانب سے پٹرولیم مصنوعات کی…
پاکستان کرکٹ بورڈ نے بابر اعظم کا استعفیٰ منظور کر لیا لاہور:پاکستان کرکٹ بورڈ (پی سی بی) نے قومی کرکٹ…
عمران خان اب عالم اسلام کے لیڈ ربن چکے ہیں:پرویز الٰہی لاہور:سابق وزیرِ اعلیٰ پنجاب چوہدری پرویز الٰہی نے واضح…
نواز شریف نے لندن جانے کا اپنا منصوبہ مؤخر کر دیا لاہور:آئینی ترمیم کے مسئلے کی وجہ سے مسلم لیگ…