لندن میں جنسی زیادتی کے واقعات میں اضافہ

لندن میں جنسی زیادتی کے واقعات میں اضافہ

لندن:لندن میں ہر گھنٹے میں ایک جنسی زیادتی کا واقعہ رپورٹ ہوا اور گزشتہ برس 8,800 سے زائد ریپ کی شکایات درج کرائی گئیں۔ برطانوی میڈیا کی رپورٹ کے مطابق پچھلے سال لندن میں 4,300 بچوں کا ریپ ہوا یا ان پر جنسی حملہ کیا گیا اور متاثرین کی مدد کرنے والی چیریٹیز نے اس صورتحال کو خوفناک قرار دے دیا ہے۔
میڈیا رپورٹ کے مطابق چیریٹیز نے زیادتی کے واقعات کی اصل شرح کہیں زیادہ ہونے کا دعویٰ کیا ہے۔ رپورٹ میں بتایا گیا کہ گزشتہ برس ریپ کے علاوہ دیگر جنسی جرائم کی تقریباً 11,000 رپورٹس درج کی گئیں۔جو بچے یا بچیاں جنسی جرائم کا نشانہ بنے ان میں سے ایک چوتھائی متاثرین کی عمر 18 سال سے کم تھی۔
میڈیا رپورٹ کے مطابق سال 2018 سے 2023 تک جنسی جرائم میں 14 فیصد اضافہ ہوا جو کہ 20,000 تک جا پہنچے۔ ریپ کرائسز کے مطابق ہر 6 میں سے ایک عورت زیادتی کی رپورٹ درج کراتی ہے اور ہر 5 میں سے صرف ایک مرد ریپ کی رپورٹ درج کراتا ہے جبکہ دیگر جنسی جرائم کے متاثرین میں سے ہر 4 میں سے ایک شکایت کرتا ہے۔