"میں نہیں آؤں گا” طالب علم کی منفرد چھٹی کی درخواست وائرل
نئی دہلی: 7ویں جماعت کے ایک طالب علم کی چھٹی کی ایک دلچسپ اور دیانت دارانہ درخواست انٹرنیٹ پر وائرل ہوگئی ہے۔
بھارت میں راکیش نامی طالب علم نے اپنے کلاس ٹیچر کو انگریزی میں لکھی گئی ایک مزاحیہ درخواست میں اپنی غیر حاضری کی وجہ بتاتے ہوئے سیدھا سادہ پیغام دیا۔ درخواست کی ابتدا تو روایتی انداز میں کی گئی، لیکن پھر طالب علم نے غیر متوقع طور پر اپنی بات مختصر کرتے ہوئے لکھا، "میں نہیں آؤں گا، نہیں آؤں گا، نہیں آؤں گا۔ آپ کا شکریہ، میں نہیں آ رہا ہوں۔”
اس منفرد درخواست کو سوشل میڈیا پر بڑے پیمانے پر شیئر کیا گیا اور صارفین نے طالب علم کی سادگی اور راست بازی پر دلچسپ تبصرے کیے۔
ایک صارف نے مزاحیہ انداز میں یہ بھی نشاندہی کی کہ طالب علم نے "پرنسپل” کے لفظ کی غلط ہجے کی ہیں، اور اس پر تبصرہ کیا کہ "شہزادے کی اس درخواست پر پرنسپل شاید کونے میں بیٹھ کر رو رہی ہوں گی۔”
یہ درخواست اس وجہ سے وائرل ہو گئی ہے کہ اس میں نہ صرف دیانت داری ہے بلکہ ایک معصومیت بھی ہے جو سوشل میڈیا صارفین کو خوب محظوظ کر رہی ہے۔