ایران میں حملہ: حماس کے سربراہ اسماعیل ہانیہ شہید

ایران میں حملہ: حماس کے سربراہ اسماعیل ہانیہ شہید

تہران: حماس کے سیاسی ونگ کے سربراہ اسماعیل ہانیہ کو ایران میں قاتلانہ حملے میں شہید کر دیا گیا ہے۔ یہ واقعہ اس وقت پیش آیا جب وہ ایرانی صدر کی تقریب حلف برداری میں شرکت کے لیے ایران میں موجود تھے۔

حماس نے اپنے سوشل میڈیا اکاؤنٹس پر اسماعیل ہانیہ کی شہادت کی تصدیق کرتے ہوئے کہا کہ انہیں تہران میں ان کی رہائش گاہ پر نشانہ بنایا گیا، اور اس حملے میں ان کا ایک محافظ بھی جاں بحق ہو گیا۔ ایرانی پاسداران انقلاب نے بھی ان کی شہادت کی تصدیق کر دی ہے۔

ایرانی میڈیا کے مطابق، اسماعیل ہانیہ کو یہودی ایجنٹوں نے نشانہ بنایا، اور اس قاتلانہ حملے کی تفتیش کا آغاز کر دیا گیا ہے۔ ایرانی حکام کا کہنا ہے کہ تحقیقات جلد سامنے لائی جائیں گی۔

اسماعیل ہانیہ 1962 میں غزہ کے شہر کے مغرب میں شطی پناہ گزین کیمپ میں پیدا ہوئے تھے۔ غزہ جنگ کے دوران ان کے خاندان کے کافی افراد شہید ہو چکے ہیں۔ ان کی شہادت سے حماس اور فلسطینی عوام کو بڑا صدمہ پہنچا ہے۔