امریکی صدر جو بائیڈن کورونا میں مبتلا: سیاسی مصروفیات ترک

امریکی صدر جو بائیڈن کورونا میں مبتلا: سیاسی مصروفیات ترک

واشنگٹن: امریکی صدر جو بائیڈن کورونا وائرس میں مبتلا ہوگئے ہیں۔ امریکی میڈیا کے مطابق 81 سالہ جو بائیڈن کا کووڈ-19 ٹیسٹ مثبت آیا ہے، جس کے بعد انہوں نے اپنی تمام سیاسی سرگرمیاں ترک کر دی ہیں۔

وائٹ ہاؤس کے ترجمان نے بتایا کہ صدر بائیڈن میں کورونا کی معمولی علامات ہیں اور انہیں ویکسین لگا دی گئی ہے۔ صدر بائیڈن نے خود کو آئسولیشن میں رکھا ہے اور اپنے فرائض انجام دیتے رہیں گے۔

صدر بائیڈن لاس ویگاس میں انتخابی مہم پر تھے جب ان کا کووڈ ٹیسٹ مثبت آیا، جس کے باعث وہ خطاب نہ کر سکے۔

یہ خبر اس وقت سامنے آئی ہے جب صدر بائیڈن کی دوبارہ صدارتی امیدوار کی حیثیت سے نامزدگی خطرے میں ہے۔ ڈیموکریٹ پارٹی کے رہنماؤں کی بڑھتی ہوئی مخالفت کے پیش نظر پارٹی نے بائیڈن کی بطور دوبارہ صدارتی امیدوار نامزدگی ایک ہفتے کے لیے ملتوی کر دی ہے۔ دو تہائی ڈیموکریٹس کی رائے ہے کہ بائیڈن دوبارہ صدارتی امیدوار نہ بنیں۔