ڈونلڈ ٹرمپ پر قاتلانہ حملہ کیا دی سمپسنز کی پیش گوئی سچ ثابت ہوئی؟

ڈونلڈ ٹرمپ پر قاتلانہ حملہ کیا دی سمپسنز کی پیش گوئی سچ ثابت ہوئی؟

امریکہ کے سابق صدر ڈونلڈ ٹرمپ پر انتخابی ریلی کے دوران قاتلانہ حملہ کیا گیا جس میں وہ زخمی ہوگئے جبکہ ایک شخص ہلاک ہوگیا۔ امریکی میڈیا کے مطابق یہ واقعہ پنسلوینیا کے علاقے بٹلر میں پیش آیا، جہاں ٹرمپ ریلی کے شرکا سے خطاب کر رہے تھے۔ گولی بظاہر ٹرمپ کے کان کو چھوتی ہوئی نکل گئی۔

سوشل میڈیا پر اس حوالے سے بحث چھڑ گئی ہے کہ کیا مشہور امریکی اینیمیٹڈ سیریز "دی سمپسنز” نے اس واقعے کی پیش گوئی کی تھی؟ سوشل میڈیا سائٹ ایکس پر کئی پوسٹس میں دعویٰ کیا گیا ہے کہ "دی سمپسنز” کی ایک قسط میں ٹرمپ پر حملے کی پیش گوئی کی گئی تھی، جس میں ٹرمپ کی مشابہت والا کارٹون کردار دکھایا گیا ہے جو اسٹیج پر تقریر کر رہا ہے اور پھر ایک حادثے کا شکار ہو جاتا ہے۔

ان دعووں پر بعض صارفین اسے مزاحیہ قرار دے رہے ہیں جبکہ بعض اسے حقیقت سمجھ رہے ہیں۔

دوسری جانب، حملہ آور کی ویڈیو بھی منظر عام پر آچکی ہے جس میں اسے ایک عمارت کی چھت پر دیکھا جا سکتا ہے اور گولیاں چلنے کی آواز بھی سنائی دے رہی ہے۔ سیکریٹ سروس اہلکاروں نے حملہ آور کو فوری طور پر ہلاک کر دیا۔

ایف بی آئی نے حملہ آور کی شناخت 20 سالہ تھامس میتھیو کروکس کے نام سے کی ہے جو ریاست پینسلوینیا کا رہائشی ہے۔