بوسان:جنوبی کوریا کے شہر بوسان کے گیمہائی بین الاقوامی ہوائی اڈے پر ایئر بوسان کی پرواز بی ایکس 391 کے ایئر بس اے 321 طیارے میں اچانک آگ لگ گئی۔
یہ واقعہ رات 10:30 بجے پیش آیا جب طیارہ ہانگ کانگ کے لیے روانہ ہونے کی تیاری کر رہا تھا۔ واقعے کے فوراً بعد حکام نے ہنگامی اقدامات کیے اور طیارے پر سوار 176 مسافروں اور عملے کے تمام افراد کو بحفاظت نکال لیا گیا۔ مقامی فائر بریگیڈ نے موقع پر پہنچ کر آگ پر قابو پا لیا۔
حکام کے مطابق خوش قسمتی سے کسی جانی نقصان یا زخمی ہونے کی اطلاع نہیں ملی۔ آگ پر قابو پانے کے بعد ماہرین نے تحقیقات کا آغاز کر دیا ہے تاکہ آگ لگنے کی اصل وجہ معلوم کی جا سکے۔
ایئر بوسان اور ہوائی اڈے کے حفاظتی عملے کی تیز رفتار اور مؤثر کارروائی نے سنگین صورتحال کو قابو میں رکھنے میں مدد دی۔
