واشنگٹن:امریکی عدالت نے نو منتخب صدر ڈونلڈ ٹرمپ کی اپیل مسترد کرتے ہوئے ان کے خلاف جاری مقدمے میں سزا برقرار رکھنے کا فیصلہ سنایا ہے۔
کاروباری معلومات میں جعلسازی کے مقدمے میں عدالت نے ڈونلڈ ٹرمپ پر عائد فرد جرم کو برقرار رکھا ہے۔ تاہم امکان ظاہر کیا جا رہا ہے کہ نو منتخب صدر کو جیل کی سزا نہیں دی جائے گی۔
عدالت نے ڈونلڈ ٹرمپ کو سزا سنانے کے لیے 10 جنوری کی تاریخ مقرر کی ہے۔
ڈونلڈ ٹرمپ نے حلف برداری سے پہلے سزا سنانے کی کارروائی روکنے کے لیے درخواست دائر کی تھی، جسے عدالت نے مسترد کر دیا ہے۔
یہ امر قابل ذکر ہے کہ ڈونلڈ ٹرمپ، مجرم قرار دیے جانے کے باوجود صدر کی حیثیت سے خدمات انجام دینے والے امریکا کے پہلے صدر ہوں گے۔
