پالتو بلی بن گئی ’سوکن‘، بیوی نے شوہر پر مقدمہ دائر کر دیا
بھارت:بھارت کی ایک خاتون نے اپنے شوہر کے خلاف کرناٹکا ہائی کورٹ میں مقدمہ دائر کیا ہے۔ خاتون کا کہنا ہے کہ ان کا شوہر ان سے زیادہ پالتو بلی کا خیال رکھتا ہے، جس کی وجہ سے وہ خود کو نظرانداز محسوس کرتی ہیں۔
خاتون نے شکایت کی کہ جب وہ شوہر سے اس بارے میں بات کرتی ہیں تو دونوں کے درمیان لڑائی ہو جاتی ہے۔ اس کے علاوہ، خاتون کا کہنا تھا کہ بلی نے کئی بار انہیں نوچ لیا، مگر شوہر نے اس پر کوئی کارروائی نہیں کی۔
عدالت نے خاتون کی شکایت کو مسترد کر دیا اور انہیں ڈانٹتے ہوئے کہا کہ یہ شکایت غیر سنجیدہ ہے۔ جسٹس ایم ناگاپراسنا نے کہا کہ اس میں ظلم یا ہراسانی کا کوئی الزام نہیں تھا، بس یہ کہا گیا کہ شوہر بلی کا زیادہ خیال رکھتا ہے۔
عدالت نے کہا کہ اس قسم کی شکایات سے عدالتی نظام میں تاخیر آتی ہے اور اس طرح کے مقدمات کو عدالت میں لانے سے گریز کرنا چاہیے۔
