‘صحت کے فوائد’ اور بچوں کی پیدائش کے لیے گائے کا گوبر کھائیں، ہندوستانی ڈاکٹر

نئی دہلی(ویب ڈیسک) ایک ہندوستانی ڈاکٹر نے دعویٰ کیا ہے کہ گائے کے گوبر کے صحت کے لیے بہت سے فوائد ہیں – اس انکشاف نے بہت سے انٹرنیٹ صارفین کو حیران کردیا ہے ۔

بھارتی میڈیا کے مطابق، ہریانہ کے کرنال سے تعلق رکھنے والے ڈاکٹر منوج متل کے نام سے شناخت کیے گئے ڈاکٹر نے کیمرے پر گائے کا گوبرکھایا ہے اور کہا ہے کہ اس کے صحت کے لیے فوائد ہیں اور یہ عام طور پر بچوں کی پیدائش میں بھی مدد کر سکتا ہے۔

سوشل میڈیا پر گردش کرنے والی ایک ویڈیو میں ڈاکٹر متل نے کہا، "سائنس نے ثابت کیا ہے کہ چار چمچ گائے کے گوبر حمل کے دوران استعمال کیا جائے تو نارمل ڈیلیوری کے امکانات بڑھ جاتے ہیں۔”

ڈاکٹر نے کہا کہ گائے کے گوبر میں وٹامن بی 12 بھی ہوتا ہے جو لوگوں کو تابکاری سے بچاتا ہے۔ "تابکاری جو کہ بانجھ پن کا سبب بن سکتی ہے ، لہذا، تابکاری سے اپنے آپ کو بچانے کے لیے، اگر ہمیں قدرتی وسائل سے وٹامن B12 حاصل ہوتا ہے، تو ہم اسے کیوں نہ استعمال کریں؟”

مئی میں، جب کچھ ہندوستانی اپنے آپ کو گائے کے گوبر اور پیشاب سے ڈھانپ رہے تھے تاکہ انہیں کورونا وائرس کے خلاف قوت مدافعت بڑھانے میں مدد ملے، انڈین میڈیکل ایسوسی ایشن کے قومی صدر ڈاکٹر جے اے جیالل نے کہا تھا: "اس بات کا کوئی ٹھوس سائنسی ثبوت نہیں ہے کہ گائے کا گوبر یا پیشاب کورونا کے خلاف کام کرتا ہے۔ ”
انہوں نے مزید کہا کہ "ایسی مصنوعات کواستعمال کرنے میں صحت کے خطرات بھی شامل ہیں اور کئی دوسری بیماریاں جانوروں سے انسانوں میں پھیل سکتی ہیں۔”

یہ بات قابل غور ہے کہ ہندوستان میں ممتاز شخصیات کا گائے کے گوبر کے طبی فوائد کا دعویٰ کرنا کوئی غیر معمولی بات نہیں ہے۔