پاکستان میں پہلی بار مصنوعی بارش ہو گئی

پاکستان میں پہلی بار مصنوعی بارش ہو گئی ہے۔ مریدکے اور شاہدرہ میں مصنوعی بارش برسائی گئی، آج رات میں لاہور شہر میں مصنوعی بارش برسے گی۔ تفصیلات کے مطابق وزیراعلی پنجاب محسن نقوی نے پریس کانفرنس کرتے ہوئے بتاہیا ہے کہ آج پاکستان میں پہلی مصنوعی بارش ہوگئی ہے، متحدہ عرب امارات حکومت کی وجہ سے ہم مصنوعی بارش برسا سکے۔ نگران وزیراعلی پنجاب محسن نقوی نے لاہور میں پریس کانفرنس کے دوران بتایا کہ مصنوعی بارش کیلئے 48 فلیئر فائر کیے گئے ہیں ہیں۔

انہوں نے کہا کہ دوسرا مشن اب سے تھوڑی دیربعد دوبارہ ٹیک آف کرے گا۔ فرسٹ فائر شاہدرہ اور مریدکے اطراف ہوئے۔ محسن نقوی کا کہنا تھا کہ مصنوعی بارش میں الحمدللہ ایک روپیہ بھی نہیں لگا۔آج صبح بھی لاہوردنیاکادوسرا آلودہ ترین شہرتھا۔لاہورکے10علاقوں میں ہلکی پھلکی بارش ہوگئی۔ وزیراعلی کا مزید کہنا ہےکہ دوسرے مشن کارزلٹ شام یارت تک آجائےگا،انوائرمنٹ ڈیپارٹمنٹ،یواےای کی پوری ٹیم ایک ایک چیزدیکھ رہی تھی، کلاؤڈ سیڈنگ کے پہلے مشن کوکچھ دیرپہلے مکمل کیا گیا۔