بجلی کے بلوں میں 50 فیصد کمی لانے والی اے سی کی متبادل ڈیوائس ایجاد
چین اور ہانگ کانگ کے سائنسدانوں نے ایئرکنڈیشنر (AC) کا ایک متبادل ٹیکنالوجی تیار کرلی ہے جو لوگوں کو براہ راست ٹھنڈک فراہم کرتی ہے اور بجلی کے بلوں میں 50 فیصد تک کمی لاتی ہے۔ اس نئی ڈیوائس کا بنیادی کام کمرے یا عمارت کی بجائے انسانی جسم کو براہ راست ٹھنڈا کرنا ہے، جس سے توانائی کی نمایاں بچت ممکن ہوتی ہے۔
روایتی ایئرکنڈیشنر ہوا کو ٹھنڈا کرنے کے لیے بڑی مقدار میں توانائی خرچ کرتے ہیں، جبکہ اس نئی ڈیوائس کی ٹیکنالوجی مڈ انفراریڈ ریڈی ایشن کا استعمال کرکے انسانی جسم کو براہ راست ٹھنڈک فراہم کرتی ہے، اور ہوا کی گردش پر انحصار نہیں کرتی۔ اس طرح نہ صرف بجلی کے بل کم ہوتے ہیں بلکہ ہوا سے پھیلنے والی بیماریوں کے پھیلاؤ کو بھی روکا جاسکتا ہے۔تحقیق اور تجرباتیہ نئی ٹیکنالوجی مصنوعی جِلد پر آزمائی گئی ہے، اور اس نے جِلد کے درجہ حرارت کو 7.3 ڈگری سینٹی گریڈ تک کم کر دکھایا ہے۔
محققین کے مطابق یہ ڈیوائس موجودہ ایئرکنڈیشننگ سسٹمز کے مقابلے میں 50 فیصد کم توانائی خرچ کرتی ہے، اور اس کی کارکردگی مرطوب موسم میں بھی برقرار رہتی ہے۔جدید ڈیزائن اور مواداس ڈیوائس کی تیاری میں تھرمو الیکٹرک اور polyethylene فلمز کا استعمال کیا گیا ہے تاکہ نمی کے اجتماع کو روکا جاسکے اور مرطوب موسم میں بھی ڈیوائس کی کارکردگی میں کمی نہ آئے۔ محققین کو یقین ہے کہ یہ ڈیوائس طویل مدت تک مؤثر طریقے سے کام کرے گی اور موسمیاتی تبدیلیوں کے چیلنجز کا حل فراہم کرے گی۔
اس ٹیکنالوجی کی مدد سے نہ صرف توانائی کے بحران پر قابو پایا جا سکتا ہے بلکہ یہ موسمیاتی تبدیلیوں کے باعث درپیش شدید گرمی کے مسائل کو بھی حل کرنے میں معاون ثابت ہو سکتی ہے۔ یہ ٹیکنالوجی خصوصی طور پر ان ممالک کے لیے مفید ہو گی جہاں طویل ہیٹ ویوز کا سامنا ہو رہا ہے اور بجلی کی بڑھتی قیمتیں عوام کے لیے چیلنج بن رہی ہیں۔
جویریہ عباسی کی دوسری شادی کی تصاویر اور ویڈیوز منظر عام پر کراچی: پاکستانی شوبز انڈسٹری کی معروف اور سینئر…
لبنان میں پیجرز کے دھماکے، 9 افراد جاں بحق، 2750 زخمی، اسپتالوں میں ایمرجنسی نافذ بیروت: لبنان میں غیرمعمولی طور…
تحریک انصاف کے انٹرا پارٹی الیکشن تسلیم نہ کیے گئے تو تنظیمی ڈھانچہ ختم ہو جائے گا، الیکشن کمیشن حکام…
چیمپئنز کپ میں شاداب اور شاہین کی گرما گرم جھڑپ، ویڈیو وائرل فیصل آباد کے اقبال اسٹیڈیم میں کھیلے گئے…
پیکیجنگ میں شامل کیمیکلز انسانوں کے لیے سنگین خطرہ، نئی تحقیق کا انکشاف زیورخ: ایک حالیہ عالمی تحقیق نے انکشاف…
گوگل نے کروم میں براؤزنگ کو مزید آسان بنا دیا گوگل کروم دنیا کے مقبول ترین ویب براؤزرز میں سے…