ڈونلڈ ٹرمپ کے فیس بک اور انسٹاگرام اکاؤنٹس سے پابندیاں ہٹا دیں گئیں

ڈونلڈ ٹرمپ کے فیس بک اور انسٹاگرام اکاؤنٹس پر سے پابندیاں ہٹا دیں گئیں

واشنگٹن (13 جولائی 2024): میٹا نے سابق امریکی صدر ڈونلڈ ٹرمپ کے فیس بک اور انسٹاگرام اکاؤنٹس پر عائد پابندیاں ختم کر دی ہیں۔ میڈیا رپورٹس کے مطابق، میٹا نے ایک بیان جاری کیا ہے جس میں کہا گیا ہے کہ ادارے کی ذمہ داری ہے کہ امریکی صدارت کے لیے نامزد امیدواروں کو آزادی اظہار رائے کی سہولت فراہم کرے۔

ڈونلڈ ٹرمپ پر 2021 کے اوائل میں میٹا کے پلیٹ فارمز پر پابندی عائد کی گئی تھی جب انہوں نے تقاریر اور سوشل میڈیا پوسٹس میں امریکی انتخابات میں دھاندلی کا دعویٰ کیا تھا۔ 2023 میں ان کے اکاؤنٹس بحال کر دیے گئے تھے، تاہم دوبارہ قوانین کی خلاف ورزی پر انہیں دوبارہ سزاؤں کا سامنا کرنا پڑا۔

اب میٹا نے آئندہ انتخابات کے پیش نظر ان پابندیوں کو ختم کرنے کا فیصلہ کیا ہے۔ واضح رہے کہ میٹا کا یہ اقدام امریکی وفاقی انتخابات سے پانچ ماہ قبل سامنے آیا ہے۔ اس فیصلے کے بعد ڈونلڈ ٹرمپ کو اگلے ہفتے ریپبلکن پارٹی کے امیدوار کے طور پر باقاعدہ نامزد کیا جا سکے گا