میٹا کی زیرِ ملکیت میسجنگ ایپ واٹس ایپ مسلسل نئے اور دلچسپ فیچرز متعارف کروا رہی ہے تاکہ صارفین کو مزید بہتر سہولتیں فراہم کی جاسکیں اور وہ دیگر پلیٹ فارمز کا رخ نہ کریں۔ واٹس ایپ اب ایک ایسا نیا فیچر متعارف کرانے جا رہا ہے جو گروپ چیٹس کو مزید منظم کرنے میں مدد دے گا۔
یہ نیا فیچر ابھی واٹس ایپ کے بیٹا ورژن میں شامل کیا گیا ہے اور فی الحال اینڈرائیڈ صارفین کے لیے دستیاب ہے۔ اس فیچر کے تحت صارفین اپنے گروپس میں لیبلز کا استعمال کر سکیں گے، جس سے مختلف چیٹس کو منظم کرنا آسان ہوگا۔
رپورٹ کے مطابق، صارفین نہ صرف اپنے لیے بلکہ گروپ کے دیگر ممبرز کے لیے بھی لیبلز لگا سکیں گے۔ جب آپ کسی گروپ ممبر کے لیے لیبل استعمال کریں گے تو وہ صرف اسی مخصوص گروپ میں لاگو ہوگا۔ اگر وہ ممبر کسی اور گروپ میں بھی موجود ہے تو اس کے لیے نیا لیبل الگ سے لگانا ہوگا اور جب صارف اپنے لیے کوئی لیبل سیٹ کرے گا تو وہ اس وقت تک برقرار رہے گا جب تک اسے بدلا نہ جائے، حتیٰ کہ اگر صارف واٹس ایپ کو ری انسٹال بھی کرلے تب بھی لیبل محفوظ رہے گا۔
اس فیچر کیوں گروپس کو بہتر طریقے سے منظم کرنے میں مدد ملے گی، چیٹ میں مخصوص افراد کی شناخت آسان ہوجائے گی، واٹس ایپ پر کام کرنے والے کاروباری افراد، طلبہ اور ٹیم ممبرز کے لیے یہ فیچر انتہائی کارآمد ثابت ہوسکتا ہے۔
یہ فیچر فی الحال بیٹا ورژن میں ٹیسٹنگ کے مراحل میں ہے، اور جلد ہی تمام صارفین کے لیے متعارف کروائے جانے کا امکان ہے۔
