کیا زمین سے تیل نکالنے کا عمل زلزلے پیدا کرتا ہے؟
ایک حالیہ تحقیق میں یہ معلوم ہوا ہے کہ انگلینڈ میں ایک سال کے دوران آنے والے 100 سے زیادہ چھوٹے زلزلے قریبی علاقوں میں تیل نکالنے کی سرگرمیوں کے نتیجے میں پیش آئے ہیں۔
یونیورسٹی کالج لندن کے ماہرین کی ایک نئی تحقیق کے مطابق، 2018 اور 2019 کے دوران ہونے والے ان 100 سے زائد چھوٹے زلزلوں کا تعلق آس پاس کے تیل کے ذخائر کے استخراج سے ہے۔
انگلینڈ کے نیوڈیگیٹ گاؤں اور اس کے اردگرد کے علاقوں میں اپریل 2018 سے 2019 کے اوائل تک آنے والے ان زلزلوں کی شدت 1.34 سے 3.18 کے درمیان ریکارڈ کی گئی، جس کے نتیجے میں دیواروں اور چھتوں میں دراڑیں اور گھروں کو نقصان پہنچنے کی اطلاعات موصول ہوئیں۔
جیولوجی کے ماہرین کا خیال ہے کہ یہ زلزلے ہورلے میں ہارس ہل کے قریب تیل نکالنے کی سرگرمیوں کی وجہ سے ہو رہے تھے، جو 5 کلومیٹر سے 10 کلومیٹر دور واقع ہیں۔
جیولوجیکل میگزین میں شائع ہونے والی اس تحقیق میں تیل نکالنے کے عمل اور اس کی مقدار کی بنیاد پر زلزلوں کی تعدد کا جائزہ لینے کے لیے ایک ماڈل تیار کیا گیا ہے، جس نے لاکھوں ڈیٹا کا تجزیہ کیا۔
تحقیق کے نتائج نے ظاہر کیا کہ ماڈل کی پیش گوئی تیل نکالنے اور زلزلوں کے درمیان ایک مضبوط تعلق کی نشاندہی کرتی ہے۔
