میلبورن، آسٹریلیا نے بھارت کو 184رنز سے شکست دے دی

میلبورن کرکٹ گراؤنڈ میں چوتھے ٹیسٹ میچ میں آسٹریلیا نے بھارت کو 184 رنز سے ہرا کر سیریز میں اپنی برتری مزید مستحکم کر لی۔
بھارتی ٹیم 340 رنز کے ہدف کا تعاقب کرتے ہوئے محض 155 رنز پر ڈھیر ہو گئی۔ بھارت کے صرف دو بلے باز، یشوی جیسوال (84) اور رشبھ پنت (30)، ڈبل فیگر میں داخل ہو سکے۔ آسٹریلیا کے بولرز نے شاندار کارکردگی کا مظاہرہ کیا، جہاں کپتان پیٹ کمنز اور اسکاٹ بولینڈ نے تین تین وکٹیں حاصل کیں۔
آسٹریلیا نے چوتھے ٹیسٹ کی پہلی اننگز میں 474 رنز بنائے، جس کے جواب میں بھارتی ٹیم 369 رنز بنا کر آل آؤٹ ہو گئی۔ آسٹریلیا کو پہلی اننگز میں 105 رنز کی برتری حاصل ہوئی۔
دوسری اننگز میں آسٹریلیا نے 234 رنز بناتے ہوئے بھارت کو 340 رنز کا مشکل ہدف دیا۔
پانچ میچز پر مشتمل اس سیریز میں آسٹریلیا نے اب تک دو میچ جیتے ہیں، بھارت نے ایک فتح حاصل کی جبکہ ایک میچ بغیر کسی نتیجے کے ختم ہوا۔
آسٹریلیا کی اس فتح نے سیریز میں فیصلہ کن برتری کے لیے ان کی پوزیشن مزید مضبوط کر دی ہے۔