پاکستان کرکٹ ٹیم نے جنوبی افریقا کے خلاف سیریز کے تیسرے اور آخری ٹی 20 میچ کے لیے اپنی پلیئنگ الیون میں تبدیلی کی ہے۔
پاکستان کرکٹ بورڈ (پی سی بی) نے تیسرے ٹی 20 میچ کے لیے قومی ٹیم کی نئی پلیئنگ الیون کا اعلان کیا، جس میں عثمان خان کو ڈراپ کر کے سلمان علی آغا کو شامل کیا گیا ہے۔
پلیئنگ الیون میں کپتان محمد رضوان، بابر اعظم، صائم ایوب، طیب طاہر، عرفان خان، عباس آفریدی، شاہین آفریدی، حارث رئوف، جہاں داد خان اور ابرار احمد شامل ہیں۔
یہ تیسرے اور آخری میچ کا آغاز پاکستان کے وقت کے مطابق رات 9 بجے ہوگا۔
یاد رہے کہ جنوبی افریقا نے پہلے دو ٹی 20 میچز میں پاکستان کو شکست دے کر سیریز اپنے نام کر لی ہے۔ گزشتہ روز کھیلے گئے دوسرے ٹی 20 میچ میں پروٹیز نے 207 رنز کا ہدف 3 گیندوں پر پورا کر کے پاکستان کو 7 وکٹوں سے شکست دی تھی۔
