پرتھ ٹیسٹ کیلئے پاکستانی ٹیم کے ممکنہ نام سامنے آگئے

پاکستان کرکٹ ٹیم آسٹریلیا کے خلاف تین میچوں کی سیریز کا پہلا ٹیسٹ 14 دسمبر کو پرتھ میں کھیلے گی۔ آف سپنر ساجد خان جنہیں اسپنر ابرار احمد کے متبادل کے طور پر نامزد کیا گیا تھا وہ بدھ بروز 13 دسمبر کو ٹیم کے ساتھ ٹریننگ کریں گے۔ تاہم نعمان علی کے زخمی ابرار کی جگہ لینے کا امکان ہے جنہیں احتیاط کے طور پر پہلے ٹیسٹ سے باہر کردیا گیا ہے۔

کپتان شان مسعود تیسرے نمبر پر کھیلتے رہیں گے جبکہ بابر اعظم کپتان سے ایک درجے نیچے بیٹنگ کریں گے۔ پاکستان آل راؤنڈر فہیم اشرف سمیت چار تیز گیند بازوں کے ساتھ میدان میں جائے گا جس کے نتیجے میں سلمان علی آغا کے بینچ پر بیٹھنے کا امکان نظر آرہے ہیں۔

شاہین شاہ آفریدی اور حسن علی پلیئنگ الیون میں شامل ہوں گے جبکہ فہیم اشرف کا بھی ٹیسٹ کھیلنے کا امکان ہے اور پاکستان کرکٹر میر حمزہ، خرم شہزاد اور عامر جمال میں سے کسی ایک کو چوتھے پیسر کے طور پر منتخب کیا جائے گا۔ واضح رہے کہ 2019 کے بعد پاکستان کا آسٹریلیا کا یہ پہلا ٹیسٹ دورہ ہے۔