معروف ترین غیر ملکی کھلاڑی کی پی ایس ایل میں واپسی کا اعلان ہو گیا ہے۔ تفصیلات کے مطابق دنیائے کرکٹ کے ایک اور بڑے کھلاڑی نے پی ایس ایل 9 کھیلنے کا اعلان کردیا۔ ڈیوڈ ویزے نے پی ایس ایل میں اپنی واپسی کی تصدیق کردی ہے۔
سوشل میڈیا پلیٹ فارم ایکس پر پاکستان سپر لیگ کے آفیشل ہینڈل کے ذریعے مداحوں کو اطلاع دی گئی کہ ڈیوڈ ویزے نے آئندہ پی ایس ایل ایڈیشن کے ڈرافٹ کے لئے خود کو رجسٹر کر لیا ہے۔ ایکس پر جاری کردہ ٹویٹ میں لکھا گیا کہ مرشد واپس آگئے ہیں، ڈیوڈ ویزے نے پی ایس ایل 9 کے ڈرافٹ کے لئے آفیشلی سائن اپ کر لیا ہے۔
Murshad is back… 💃🏻
David Wiese 🇿🇦 has officially signed up for the #HBLPSLDraft 🎉#HBLPSL9 pic.twitter.com/4Oq6xnhFpv
— PakistanSuperLeague (@thePSLt20) December 3, 2023
ابھی ےک یہ واضح نہیں ہوا ہے کہ ڈیوڈ ویزے پی ایس ایل سیزن 9 میں کس ٹیم کی نمائندگی کریں گے، یاد رہے کہ اس سے قبل ڈیوڈ ویزے لاہور قلندرز کی ٹیم سے وابستہ رہ چکے ہیں اور انہوں نے اپنی ٹیم کو کئی میچز میں کامیابی دلانے میں اہم کردار ادا کر رکھا ہے۔ واضح رہے کہ دنیائے کرکٹ کے کئی نامور کھلاڑی پاکستان سپر لیگ پی ایس ایل میں کھیلنے کیلئے اپنی رضامندی ظاہر کر چکے ہیں۔ پی ایس ایل 9 کا ڈرافٹ 13 دسمبر کو لاہور میں ہوگا۔
