سلمان بٹ کو چیف سلیکٹر وہاب ریاض کا کنسلٹنٹ مقرر کردیا گیا

پاکستان کرکٹ بورڈ  نے سابق پاکستانی کرکٹرز سلمان بٹ، کامران اکمل اور راؤ افتخار انجم کو پی سی بی کے چیف سلیکٹر وہاب ریاض کے مشیر کے طور پر تعینات کر دیا ہے۔ پی سی بی نے ان تعیناتیوں کی تصدیق کردی ہے۔ تینوں نئے عہدیداران  نے فوری طور پر سلیکشن پینل میں اپنی ذمہ داریاں سنبھال لی ہیں۔

چیف سلیکٹر کے مشیر ممبران کے طور پر ان کی پہلی اسائنمنٹ نیوزی لینڈ کے خلاف آئندہ پانچ میچوں کی ٹی 20 سیریز ہے، جو آسٹریلیا کے ٹیسٹ ٹور کے اختتام کے بعد 12 جنوری 2024ء کو شروع ہونے والی ہے۔ جب سلمان بٹ، کامران اکمل اور راؤ افتخار سلیکشن ڈیوٹی میں مصروف نہ ہوں تو ان کو اضافی کام تفویض کیے جا سکتے ہیں۔

دوسری جانب چیف سلیکٹر وہاب ریاض نے دورہ آسٹریلیا کیلئے قومی سکواڈ کا اعلان کر دیا۔ تفصیلات کے مطابق پاکستان کرکٹ ٹیم کے چیف سلیکٹر وہاب ریاض نے دورہ آسٹریلیا کیلئے قومی ٹیم کے 18 رکنی سکواڈ کا اعلان کر دیا ہے۔

قومی سکواڈ میں امام الحق، خرم شہزاد، محمد رضوان، نعمان علی، سلمان علی، فہیم اشرف، حسن علی، عامر جمال، عبداللہ شفیق، ابرار احمد، بابر اعظم، سعود شکیل، سرفراز احمد، سلمان علی آغا، شان مسعود، میر حمزہ، وسیم جونیئر ، صائم ایوب شامل ہیں ۔ قومی ٹیم کی کپتانی شان مسعود کے سپرد کی گئی ہے ۔آسٹریلیا کے خلاف سیریز میں خرم شہزاد اور صائم ایوب ڈبیو کریں گے۔