بابر اعظم آسٹریلیا کے خلاف ٹیسٹ سیریز نہیں کھیلنا چاہتے تھے

پاکستان کرکٹ ٹیم کے سابق کپتان کنگ بابر اعظم نے مبینہ طور پر پاکستان کرکٹ بورڈ سے انہیں آسٹریلیا کے خلاف ٹیسٹ سیریز کے لیے آرام دینے کی درخواست کی تھی جسے پاکستان کرکٹ بورڈ نے مسترد کردیا۔ تفصیلات کے مطابق بابر اعظم  نے مبینہ طور پر آسٹریلیا کے خلاف تین میچوں کی ٹیسٹ سیریز نہ کھیلنے کی خواہش کا اظہار کیا ہے کیونکہ مسلسل کرکٹ کمٹمنٹس کے طویل عرصے کے بعد انہیں مناسب وقفے کی ضرورت ہے۔

ذرائع کے مطابق بابر اعظم جسمانی اور ذہنی طور پر دوبارہ ترو تازہ ہونے کے خواہشمند ہیں۔ تاہم ایسا لگتا ہے کہ پاکستان کرکٹ بورڈ نے سٹار بلے باز کو آنے والی سیریز میں شرکت پر مجبور کرتے ہوئے ان کی درخواست کو مسترد کر دی ہے۔

دوسری جانب پاکستان آسٹریلیا کے خلاف ٹیسٹ سیریز کھیلنے جا رہا ہے اور شان مسعود پاکستانی ٹیسٹ ٹیم کی قیادت کریں گے۔ آج انہوں نے اس حوالے سے قذافی سٹیڈیم میں پریس کانفرنس کی اور اہم اعلانات کیے۔  شان مسعود سے بابر اعظم کی پوزیشن کے بارے میں سوال کیا گیا کہ وہ کس نمبر پر کھیلیں گے تو شان مسعود نے کہا کہ بابر پہلے چوتھے نمبر پر کھیلتے رہے ہیں اور وہ تیم کے سب سے مضبوط کھلاڑی ہیں، ٹیم مضبوط کھلاڑی کے گرد ہی بنائی جاتی ہے اس لیے کوئی بھی بابراعظم کی پوزیشن کو پریشان نہیں کرے گا۔ بابراعظم چوتھے نمبر پر ہی کھیلیں گے، اسی میں ٹیم کا فائدہ ہے۔