دبئی(ویب ڈیسک) ٹیم منیجر منصور رانا کا کہنا ہے کہ پاکستانی کرکٹرز محمد رضوان اور شعیب ملک بہتر محسوس کر رہے ہیں اور امکان ہے کہ وہ آج آسٹریلیا کے خلاف ٹی ٹوئنٹی ورلڈ کپ کا سیمی فائنل میچ کھیلیں گے۔
ایک اپ ڈیٹ میں، پی سی بی نے کہا کہ دونوں کھلاڑیوں کی صحت میں بہتری آئی ہے اور ایک میڈیکل پینل اہم مقابلے سے قبل ان کی فٹنس صورتحال کا جائزہ لے گا۔
انہوں نے مزید کہا کہ انتظامیہ دن کے آخر میں اپنے فیصلے کا اعلان کرے گی۔
“ہمیں امید ہے کہ دونوں کھلاڑی آج ایکشن میں ہوں گے۔ وہ سیمی فائنل میں کھیلنا چاہتے ہیں،” رانا نے کہا۔
ذرائع نے میڈیا کو بتایا کہ فارم میں موجود بلے بازوں کے فلو میں مبتلا ہونے کے بعد آج کے سیمی فائنل میں رضوان اور ملک کی شرکت مشکوک ہوگئی۔
تاہم ان کے کورونا ٹیسٹ منفی آئے لیکن ڈاکٹروں نے انہیں آرام کا مشورہ دیا تھا، جس کی وجہ سے وہ آخری پریکٹس سیشن میں شریک نہیں ہوئے اور ہوٹل میں ہی رہے۔
پاکستان ٹورنامنٹ کے سپر 12 مرحلے میں ناقابل شکست رہا ہے جہاں اس نے بھارت، نیوزی لینڈ، افغانستان، نمیبیا اور اسکاٹ لینڈ کو شکست دی۔
ایک روز قبل ورچوئل پریس کانفرنس میں کپتان بابر اعظم نے کہا کہ انہیں یقین ہے کہ مین ان گرین ٹیم اپنی رفتار برقرار رکھے گی اور سیمی فائنل میں آسٹریلیا کے خلاف اچھی کارکردگی کا مظاہرہ کرے گی۔
بابر نے کہا کہ تمام میچوں میں چھوٹی چھوٹی خامیوں کی نشاندہی کی گئی ہے جو کبھی بیٹنگ سے متعلق ہیں تو کبھی باؤلنگ سے۔
انہوں نے کہا کہ بعض اوقات فیلڈنگ لیپس بھی نوٹ کی جاتی ہیں۔
انہوں نے کہا کہ یہ اچھی بات ہے کہ ہم ان مسائل کو حل کرنے کی کوشش کر رہے ہیں۔
