پاکستان سیمی فائنل میں پہنچ جائے گا، حریم شاہ

حریم شاہ نے اپنے آفیشل ایکس اکاوْنٹ پر قومی کرکٹ ٹیم کی تصویر شئیر کی ہے جس میں تمام پاکستانی کھلاڑی گراوْنڈ میں نماز ادا کررہے ہیں۔ تصویر پوسٹ کرتے ہوئے ٹک ٹاکر حریم شاہ نے لکھا کہ "وہ تدبیر کرتے ہیں اور اللہ تدبیر کرتا ہے، یقیناً اللہ بہترین تدبیر کرنے والا ہے”۔ حریم شاہ  نے اُمید ظاہر کرتے ہوئے مزید لکھا کہ “انشاءاللہ! پاکستان سیمی فائنل میں پہنچ جائے گا”۔

واضح رہے کہ پاکستان کو آئی سی سی ورلڈ کپ کے سیمی فائنل میں پہنچنے کے لیے انگلینڈ کے خلاف بڑے مارجن سے کامیابی حاصل کرنا ہوگی۔ اس وقت سب کا سوال یہی ہے کہ پاکستان کتنے رنز بنائے تو سیمی فائنل میں پہنچ سکتا ہے؟

اعداد و شمار کے مطابق پاکستان کا سیمی فائنل میں پہنچنا کوئی معجزہ ہی ہوگا لیکن ہم نے گزشتہ ورلڈ کپس اور ٹورنامنٹس میں پاکستان کے ساتھ معجزے ہوتے دیکھے ہیں۔ چلیں آپ کو بتاتے ہیں کہ پاکستان کس طرح سیمی فائنل میں پہنچ سکتا ہے۔

اگر پاکستان نے انگلینڈ کے خلاف اگر 300 رنز بنائے تو پھر وہ انگلش ٹیم کو صرف 13 رنز پر آؤٹ کردے یا اگر پاکستان نے انگلینڈ کے خلاف اگر350 رنز بنائے تو پھر وہ انگلش ٹیم کو 62 رنز پر آؤٹ کردے تو سیمی فائنل میں پہنچ جائے گا۔ یہ صورتحال ناممکن سی ہے۔ البتہ اگر پاکستان نے انگلینڈ کے خلاف اگر 400 رنز بنائے اور پھر انگلش ٹیم کو 112 رنز پر آؤٹ کردے یا پاکستان نے انگلینڈ کے خلاف اگر 450 رنز بنائے تو پھر وہ انگلش ٹیم کو 161 رنز پر آؤٹ کردے تو پاکستان سیمی فائنل میں پہنچ سکتا ہے۔ اگر انگلینڈ پہلے بیٹنگ کرے اور پاکستان اسے 50 رنز پر محدود کر دے تو گرین شرٹس کو 2.5 اوورز میں ہدف مکمل کر لے تو بھی سیمی فائنل پاکستان کا ہوگا لیکن یہ بالکل غیرممکن صورتحال ہے۔