ایک اور پاکستانی کرکٹر نے بھارتی لڑکی کو اپنا جیون ساتھی بنا لیا
نیویارک :پاکستانی کرکٹ ٹیم کے سابق کھلاڑی رضا حسن نے بھارتی لڑکی پوجا کے ساتھ اپنی زندگی کا نیا سفر شروع کرنے کا فیصلہ کرلیا ہے۔
رضا حسن کی پوجا سے منگنی کی تقریب نیویارک میں منعقد ہوئی، جہاں دونوں نے ایک دوسرے کو زندگی کا ساتھی بنانے کا وعدہ کیا۔
رضا حسن کا کہنا ہے کہ ان کی شادی کی تقریب اگلے سال جنوری یا فروری میں ہوگی۔ انہوں نے مزید بتایا کہ پوجا اسلام میں دلچسپی رکھتی ہیں اور جلد ہی اسلام قبول کرلیں گی۔
32 سالہ رضا حسن، جنہوں نے ایک ون ڈے اور 10 ٹی ٹوئنٹی انٹرنیشنل میچز میں پاکستان کی نمائندگی کی ہے، اب امریکا میں مستقل طور پر رہائش پذیر ہیں۔
