انگلینڈ کے خلاف ٹیسٹ سیریز کیلئے قومی ٹیم کا اعلان اسی ہفتے متوقع
لاہور:انگلینڈ کے خلاف ٹیسٹ سیریز کے لیے قومی ٹیم کا اعلان رواں ہفتے متوقع ہے۔ شان مسعود کو انگلینڈ کے خلاف سیریز کے لیے کپتان برقرار رکھا جائے گا اور قومی ٹیم 2 اکتوبر کو ملتان میں رپورٹ کرے گی۔ اسی روز انگلینڈ کی ٹیم بھی ملتان پہنچے گی۔ مہمان انگلینڈ کی ٹیم کا 3 اکتوبر کو ریسٹ ڈے ہوگا جبکہ پاکستانی ٹیم اسی روز اپنے پہلے ٹریننگ سیشن میں شرکت کرے گی۔
ذرائع کے مطابق بنگلہ دیش کے خلاف کھیلی گئی ٹیسٹ سیریز کی ٹیم میں 3 سے 4 تبدیلیاں متوقع ہیں۔ لاہور میں کنکشن کیمپ کے بعد ریڈ بال ٹیم کے ہیڈکوچ جیسن گلیسپی فیصل آباد پہنچ گئے ہیں جہاں سلیکشن کمیٹی کے ارکان محمد یوسف اور اسد شفیق پہلے سے چیمپئنز کپ میں قومی کھلاڑیوں کی کارکردگی کا جائزہ لے رہے ہیں۔ سلیکشن کمیٹی کے نان ووٹنگ ممبران بھی فیصل آباد میں موجود ہیں۔
سلیکشن کمیٹی کے ارکان، کپتان اور ہیڈکوچ کے ساتھ مشاورت کے بعد ممکنہ کھلاڑیوں کی فہرست کو حتمی شکل دی جائے گی۔ چیمپئنز کپ کا فائنل اتوار کو شیڈول ہے اور اس سے پہلے پاکستان کرکٹ بورڈ کے سربراہ کی منظوری کے بعد قومی اسکواڈ کا اعلان کردیا جائے گا۔
پاکستان اور انگلینڈ کے درمیان پہلا ٹیسٹ میچ 7 اکتوبر سے شروع ہوگا، دوسرا ٹیسٹ 15 اکتوبر کو ملتان میں ہی ہوگا جبکہ تیسرا اور آخری ٹیسٹ 24 اکتوبر کو راولپنڈی میں کھیلا جائے گا۔
4 اکتوبر کو ہر صورت ڈی چوک پہنچیں گے: علی امین گنڈاپور اسلام آباد: وزیراعلیٰ خیبر پختونخوا علی امین گنڈا…
پاکستان میں مہنگائی کی شرح ہماری توقعات سے زیادہ کم ہوئی ہے: وفاقی وزیر خزانہ اسلام آباد :وفاقی وزیر خزانہ…
پٹرول سستا مگر اشیاء کی قیمتوں میں کمی کیوں نہیں؟ حالیہ دنوں میں حکومت کی جانب سے پٹرولیم مصنوعات کی…
پاکستان کرکٹ بورڈ نے بابر اعظم کا استعفیٰ منظور کر لیا لاہور:پاکستان کرکٹ بورڈ (پی سی بی) نے قومی کرکٹ…
عمران خان اب عالم اسلام کے لیڈ ربن چکے ہیں:پرویز الٰہی لاہور:سابق وزیرِ اعلیٰ پنجاب چوہدری پرویز الٰہی نے واضح…
نواز شریف نے لندن جانے کا اپنا منصوبہ مؤخر کر دیا لاہور:آئینی ترمیم کے مسئلے کی وجہ سے مسلم لیگ…