آئی سی سی کا چیمپئنز ٹرافی کیلئے پاکستان کے سکیورٹی انتظامات پر اظہار اطمینان
لاہور :انٹرنیشنل کرکٹ کونسل (آئی سی سی) نے پاکستان کے سکیورٹی انتظامات کو چیمپئنز ٹرافی کے لئے تسلی بخش قرار دیا ہے۔ اس حوالے سے آئی سی سی کے وفد کی چیئرمین پاکستان کرکٹ بورڈ (پی سی بی) محسن نقوی سے ملاقات ہوئی، جس میں چیمپئنز ٹرافی کے سکیورٹی انتظامات پر تفصیلی بات چیت کی گئی۔
آئی سی سی وفد نے کراچی اور راولپنڈی میں کیے گئے سکیورٹی اقدامات پر اطمینان کا اظہار کیا، جبکہ چیئرمین پی سی بی نے عالمی معیار کے سکیورٹی انتظامات کی یقین دہانی کرائی۔ ملاقات کے دوران محسن نقوی نے اس بات پر زور دیا کہ اسٹیڈیمز کی اپ گریڈیشن چیمپئنز ٹرافی سے قبل ہر صورت مکمل ہو جائے گی، اور اپ گریڈیشن کے بعد اسٹیڈیمز میں بین الاقوامی معیار کی سہولیات فراہم کی جائیں گی تاکہ شائقین کرکٹ سے بھرپور لطف اندوز ہو سکیں۔
پاکستان میں چیمپئنز ٹرافی کا انعقاد ایک اعزاز قرار دیتے ہوئے محسن نقوی نے کہا کہ ٹورنامنٹ کے لئے فول پروف سکیورٹی انتظامات کئے جائیں گے، اور ہر ممکن کوشش کی جائے گی کہ یہ ایونٹ کامیابی کے ساتھ پاکستان میں منعقد ہو۔ اس موقع پر وفد میں آئی سی سی کی سینئر منیجر ایونٹس سارہ ایڈگر، ایونٹ منیجر عون محمد زیدی، جنرل منیجر کرکٹ وسیم خان، سکیورٹی منیجر ڈیوڈ مسکر، اور براڈ کاسٹ کنسلٹنٹ منصور منج شامل تھے۔ ملاقات میں پی سی بی کے ڈائریکٹر انٹرنیشنل کرکٹ عثمان واہلہ، ڈائریکٹر سکیورٹی کرنل (ر) خالد محمود، اور ہیڈ آف مارکیٹنگ سلمان مسعود بھی موجود تھے۔
محسن نقوی نے مزید کہا کہ پاکستانی قوم کرکٹ سے بے پناہ محبت کرتی ہے اور وہ تمام ٹیموں کو مکمل سپورٹ فراہم کرے گی۔
ایرانی اعلیٰ حکام کے موبائل فون سکیورٹی کیلئے کمیٹی کے حوالے تہران:ایران میں پاسداران انقلاب کے وزیر، محسن رفیق دوست،…
غلام مرتضیٰ پاکستان میں خصوصی افراد کی فلاح و بہبود کے لیے مختلف حکومتی اقدامات سامنے آتے رہے ہیں، لیکن…
نئی پارٹی پوزیشن جاری، قومی اسمبلی سے پی ٹی آئی کا وجود ختم اسلام آباد میں اسپیکر کی جانب سے…
لاہور ہائیکورٹ نے پی ٹی آئی کے جلسے کو روکنے کی درخواست مسترد کردی لاہور ہائیکورٹ نے پاکستان تحریک انصاف…
بڑھتی ہوئی آبادی کے چیلنج سے کیسے نمٹا جائے؟ پاکستان میں آبادی کی رفتار میں اتنی تیزی آئی ہے کہ…
پی ٹی آئی جلسہ ،ورکرز مینار پاکستان کیسے پہنچیں گے؟ تفصیلات منظر عام پر پشاور: لاہور میں ہونے والے جلسے…