ہاردک پانڈیاکی نائب کپتانی سے چھٹی،بھارتی کرکٹ ٹیم سوریاکماریادوکے سپرد

ہاردک پانڈیاکی نائب کپتانی سے چھٹی،بھارتی کرکٹ ٹیم سوریاکماریادوکے سپرد

بھارت اور سری لنکا کے درمیان ٹی ٹونٹی اور ون ڈے سیریز اس مہینے کے آخر میں شروع ہوگی بھارتی کرکٹ کیلئے ایک نئے باب کا آغاز ہو گا ٹیم میں سب سے بڑی تبدیلی ٹی ٹونٹی کی کپتانی میں ہے۔

ٹی ٹونٹی ورلڈ کپ 2024 جیتنے کے بعد روہت شرما کے اس فارمیٹ سے ریٹائر ہونے کے بعد یہ خیال کیا جا رہا تھا کہ نائب کپتان ہاردک پانڈیا کو کپتان بنایا جائیگااس کے بجائے، سوریہ کمار یادو کو کپتان مقرر کیا گیا ہے جبکہ ہاردک پانڈیا کو نائب کپتان بھی نہیں بنایا گیا پانڈیا کی فٹنس مسائل کو عام طور پر کپتانی سے محرومی کی وجہ سمجھا جا رہا ہے

لیکن انڈین کھلاڑیوں کے اعتماد کی وجہ سے یادو کے حق میں فیصلہ ہوا۔رپورٹ میں دعویٰ کیا گیا کہ بی سی سی آئی کو موصول ہونے والی ‘فیڈ بیک’ میں کہا گیا کہ کھلاڑی یادو پر پانڈیا سے زیادہ بھروسہ کرتے ہیں اور ان کے تحت کام کرنے میں آرام دہ محسوس کرتے ہیں۔

دو دن تک جاری رہنے والی سلیکشن میٹنگ دیگر میٹنگز کے برعکس تھی، جس میں گرما گرم بحثیں اور مختلف آراء سامنے آئیں۔ کھلاڑیوں کو کالز کی گئیں اور انہیں مینجمنٹ کے طویل مدتی منصوبوں کے بارے میں سمجھایا گیا۔

رپورٹ میں مزید دعویٰ کیا گیا کہ یادو کی انسانیت نوازی کی مہارتوں نے بی سی سی آئی کے سلیکٹرز کو متاثر کیا۔ جب ایشان کشن گزشتہ سال جنوبی افریقہ کے دورے کے دوران بھارت کے کیمپ سے نکلنے والے تھے، تو کہا جاتا ہے کہ یادو نے انہیں رکنے پر قائل کرنے کی کوشش کی۔یہ بھی کہا گیا ہے کہ انہوں نے متبادل کھلاڑیوں سے بات کی اور انہیں مواقع سے بھرپور فائدہ اٹھانے کی ترغیب دی۔

ایک اور نظریہ یہ ہے کہ یادو کا بات چیت کا انداز روہت سے ملتا جلتا ہے اور کھلاڑی ان کے ساتھ گفتگو کرنے میں آرام دہ محسوس کرتے ہیں۔یہ ایک اور وجہ تھی کہ یادو کو پانڈیا کے مقابلے میں کپتانی کی منظوری ملی۔یہ سمجھا جا رہا ہے ک ٹی 20 ورلڈ کپ جیتنے والی ٹیم کے نائب کپتان پانڈیا، جنہوں نے جنوبی افریقہ کے خلاف فائنل میں تاریخی آخری اوور کرایا گمبھیر نے اس مشکل فیصلے کے بارے میں مطلع کیا۔