ٹیموں کے ساتھ کسی بھی تقریب کے اہتمام کا کوئی ارادہ نہیں تھا، پی سی بی ذرائع

ٹیموں کے ساتھ کسی بھی تقریب کے اہتمام کا کوئی ارادہ نہیں تھا، پی سی بی ذرائع

کراچی:پاکستان کرکٹ بورڈ (پی سی بی) کے ذرائع نے کہا ہے کہ چیمپئنز ٹرافی سے پہلے ٹیموں کے ساتھ کوئی تقریب منعقد کرنے کا کوئی منصوبہ نہیں تھا۔ نہ پاکستان نے اور نہ ہی آئی سی سی نے ایسا کوئی پلان بنایا تھا۔

ذرائع نے بتایا کہ پچھلے سال امریکا اور ویسٹ انڈیز میں ہونے والے ٹی ٹوئنٹی ورلڈ کپ سے پہلے بھی کپتانوں کا کوئی فوٹو شوٹ نہیں ہوا تھا، اس لیے اب ایسا نہ ہونا کوئی بڑی بات نہیں ہے۔

انہوں نے کہا کہ ٹورنامنٹ کی ایک شاندار افتتاحی تقریب کی جائے گی۔ کراچی اور لاہور کے اسٹیڈیمز کو اپ گریڈیشن کے بعد باقاعدہ طور پر کھولا جائے گا۔