سماجی کارکن ایمان مزاری نے بھی شادی کر لی

انسانیت کی ہمدرد اور اہم سماجی کار کن بھی رشتہ ازدواج میں بندھ گئیں۔ سماجی کارکن اور وکیل ایمان زینب مزاری نے جمعرات کو زندگی کے نئے سفر کے آغازکیا اور شادی جیسے خوبصورت اور پاکیزہ رشتے کو اپنا لیا۔

میڈیا رپورٹ کے  مطابق ایمان مزاری نے اپنے ایکس اکاؤنٹ پر کیپشن میں انگوٹھی کے ایموجیز کی کوئی کیپشن دیے بنا ایک دلکش اور خوبصورت  تصویر پوسٹ کی تھی۔ سوشل میڈیا پر وائرل ہونے والی تصاویر میں دیکھا جا سکتا ہے کہ ایمان مزاری نے سفید ساڑھی میں ملبوس ہاتھوں میں گجرے پہنے ہوئے ہیں۔

ایمان مزاری کے شوہر بھی انکی طرح پیارے لگ رہے تھے۔ ایمان مزاری کے خاوند عبدالہادی نے اپنی شادی کے روز سفید شیروانی کے ساتھ کلاہ پہن رکھا ہے۔ تفصیلات کے مطابق بتایا جا رہا ہے کہ  ایمان مزاری نے شادی کرنے کے لیے جس لڑکے کا انتخاب کیا اسکا تعلق بھی وکالت کے پیشے سے ہے۔

ایمان مزاری کے جیون ساتھی  عبدالہادی چٹھہ بھی ایمان کی طرح پیشے کے اعتبار سے وکیل ہی ہیں۔ ایمان کے شوہر عبدالہادی نے بھی ایکس پینڈل پر ایمان کی پوسٹ ری پوسٹ کرتے ہوئے کیپشن میں اپنے دلی جذبات لکھ دیے۔