شہر قائد کراچی کا امن کب اور کس نے بحال کیا؟

صدر مسلم لیگ ن کا کہنا ہے کہ سابق وزیر اعظم نواز شریف کے دور میں شہر قائد کا امن بحال کیا گیا تھا۔  شہباز شریف نے اپنے بیان میں کہا کہ نواز شریف نے کراچی کو ہمیشہ خصوصی اہمیت دی ہے،  انہوں نے کہا کہ ایک وقت تھا کراچی میں بوری بند لاشیں ملتی تھیں، کراچی میں بھتہ خوری ہوتی تھی۔

کراچی میں صحافیوں سے گفتگو کرتے ہوئے شہباز شریف نے مزید کہا کہ قائد ن لیگ نے ہی کراچی کو گرین لائن کا منصوبہ فراہم کیا تھا۔  اپنی بات کو جاری رکھتے ہوئے صدر مسلم لیگ ن نے کہا کہ نواز شریف سے دھاندلی کے ذریعے اقتدارچھینا گیا،  انہوں نے کہا اب نواز شریف کی ق قیادت میں بھرپور الیکشن مہم چلائیں گے۔

شہباز شریف نے کہا کہ اب ہم اقتدار میں آکر کراچی سے ٹینکر مافیا کا خاتمہ کریں گے۔  انہوں نے واضح کیا کہ کراچی روشنیوں کا شہرہے۔ شہباز شریف نے کراچی کے عوام کو خراج تحسین پیش کیا،  انہوں نے کہا کہ کراچی ملکی معیشت میں اہم کردار ادا کر رہا ہے، پاکستان بھر سے لاکھوں لوگ روزگار کے لیے یہاں موجود ہیں۔ انہوں نے کہا کہ کراچی پاکستان کا معاشی گیٹ وے ہے شہباز شریف کا کہنا تھا کہ مسلم لیگ ن کا منشور جلد عوام کے سامنے آ جائے  گا، انہوں نے مزید کہا کہ  اب ہم سب مل کر قائد کے پاکستان کو خوشحال بنائیں گے۔