پی ٹی آئی کے رہنما شاہ محمود قریشی کو آج جیل سے رہا کیے جانے کا امکان ظاہر ہو گیا ہے ۔ بتایا جا رہا ہے کہ رہنما شاہ محمود قریشی کے وکیل بیرسٹر تیمور ملک ضمانتی مچلکے لے کر راولپنڈی اڈیالہ جیل میں پہنچ چکے ہیں۔اسی کے ساتھ ساتھ خصوصی عدالت کے جج ابو الحسنات ذوالقرنین بھی اڈیالہ جیل پہنچ گئے ہیں۔ مزید تفصیلات کے مطابق عمران خان کی زوجہ بشرا بی بی انکا وکیل عمیر نیازی اور رائے محمد علی بھی اڈیالہ جیل پہنچ گئے ہیں۔
ذرائع کے مطابق سپریم کورٹ آف پاکستان نے بانی پی ٹی آئی اور شاہ محمود قریشی کی ضمانت کا فیصلہ جاری کیا تھا، فیصلہ چار صفحات پر مشتمل تھا ۔ فیصلے سے اتفاق کرتے ہوئے جسٹس اطہر من اللہ نے پانچ صفحات پر مشتمل علیحدہ نوٹ بھی لکھا تھا۔ تفصیلات کے مطابق بانی پی ٹی آئی اور شاہ محمود قریشی کی ضمانت کا فیصلہ جسٹس منصور علی شاہ نے تحریر کیا تھا۔
اطلاعات کے مطابق بتایا جا رہا ہے کہ اگر بانی پی ٹی آئی عدالتی فیصلے کا غلط استعمال کریں تو عدالت اپنے فیصلے کو منسوخ بھی کر سکتی ہے۔ میڈیا ذرائع کے مطابق شاہ محمود قریشی کی بیٹی نے عدالت کے باہر میڈیا سے گفتگو کے دوران کہا کہ عدالتی فیصلے نے ثابت کر دیا سائفر کیس بے بنیاد تھا، کیس میں انکے والد کی جیت پورے ملک کی جیت ہے۔ انہوں نے کہا کے والد باہر آکر اپنی انتخابی مہم خود چلائیں گے۔
