16 دسمبر کو اسلام آباد اور لاہور کے تعلیمی ادارے بند رہیں گے
اسلام آباد:پنجاب حکومت نے سانحہ آرمی پبلک اسکول (اے پی ایس) پشاور کے شہید بچوں سے یکجہتی کے اظہار کے لیے 16 دسمبر کو اسلام آباد اور لاہور میں تمام سرکاری و نجی اسکولوں اور کالجز کی تعطیل کا اعلان کردیا۔
ڈپٹی کمشنر اسلام آباد عرفان نواز میمن نے نوٹیفکیشن جاری کیا ، جس کے مطابق 16 دسمبر کو وفاقی دارالحکومت کے تمام سرکاری اور نجی اسکول اور کالج بند رہیں گے۔
اسی طرح، ڈپٹی کمشنر لاہور سید موسیٰ رضا کے جاری کردہ نوٹیفکیشن میں کہا گیا ہے کہ پنجاب حکومت کی ہدایت پر لاہور شہر کے تمام اسکول اور کالجز 16 دسمبر کو بند رہیں گے۔ تاہم، شہر کی تمام یونیورسٹیاں معمول کے مطابق کھلی رہیں گی۔
