آئندہ 24 گھنٹے کا موسم کیسا رہے گا؟ محکمہ موسمیات کی پیشگوئی

محکمہ موسمیات نے کہا ہے کہ ملک کے بیشتر میدانی علاقوں میں موسم سرد اور خشک رہے گا، اسلام آباد، پشاور اور آزاد کشمیر کے کچھ علاقوں میں بوندا باندی کا امکان ہے۔ محکمہ موسمیات کی جانب سے بالآخر بارش کے منتظر افراد کو بوندا باندی کی نوید سنادی گئی۔

محکمہ موسمیات نے ااسلام آباد کے مختلف علاقوں میں تیز ہوائیں اور بوندا باندی کا امکان ظاہر کیا گیا ہے۔ ترجمان محکمہ موسمیات کا کہنا ہے کہ پشاور، چارسدہ، نوشہرہ، مردان اور صوابی میں تیز ہوائیں اور بوندا باندی متوقع ہےپنجاب کی بات کی جائے تو نارووال، سیالکوٹ، اوکاڑہ، ساہیوال، گوجرانوالہ، لاہور دھند کی لپیٹ میں رہیں گے۔

فیصل آباد، ٹوبہ ٹیک سنگھ، جھنگ، خانیوال، ملتان، بہاولپور، خان پور، رحیم یار خان، ڈیرہ غا زی خان میں بھی دھند رہے گی۔

دوسری جانب مکہ مکرمہ میں موسلا دھار بارش نے جل تھل کردیا ہے جس کے بعد نشیبی علاقے زیرآب آگئے ہیں۔ بارش کے دوران بھی حرم شریف میں طواف کعبہ جاری رہا اور لاکھوں فرزاندان اسلام رحمت کی بارش میں بھیگتے ہوئے اللہ کریم کی نعمت سے لطف اندوز ہوتے رہے۔