فواد چودھری کی اہلیہ حبہ کے اپنے دیور اور فواد چوہدری کے بھائی پر سنگین الزامات

سابق وفاقی وزیر اور پاکستان تحریک انصاف کے سابق رہنما فواد چودھری کی اہلیہ حبہ چوہدری  نے اپنے دیور فیصل چودھری پر سنگین الزامات  لگادیے ہیں۔ خیال رہے کہ فیصل چوہدری اپنے بھائی فواد چوہدری کے وکیل بھی ہیں۔ حبہ چوہدری نے اپنے ٹویٹر پیغام میں کہا ہے کہ  آج فواد چودھری کو عدالت پیش کیا گیا اور پھر اینٹی کرپشن کے حوالے کر دیا گیا۔

حبہ نے مزید کہا کہ گزشتہ روز مجھے اڈیالہ جیل میں فواد چودھری سے ملاقات بھی نہیں کرنے دی گئی اور فواد چوہدری کے اپنے وکیل فیصل چودھری کے کہنے پر یہ سب ہوا رہا ہے اور آج بھی فیصل چودھری کی طرف سے مجھے اور میری بیٹیوں کو پیشی کے حوالے سے کوئی اطلاع نہیں دی جا رہی ہیں۔

انہوں نے اپنے ایک اور تویٹ میں لکھا کہ  فواد صاحب ابھی تک نااہل نہیں ہوئے ہیں ۔اور ان کی کیمپین میں خود کروں گی ،جہلم سے الیکشن وہی لڑیں گے ۔ کوئی اور  ان کی جگہ الیکشن لڑنے کا سوچے بھی نہ۔