شیر افضل مروت کو گرفتار کر لیا گیا

پاکستان تحریک انصاف کے نائب صدر شیر افضل مروت کو گرفتار کر لیا گیا ہے۔ تفصیلات کے مطابق پاکستان تحریک انصاف کی جانب سے شیر افضل مروت کو گرفتار کیے جانے کا دعویٰ سامنے آیا ہے۔ پاکستان تحریک انصاف نے دعویٰ کیا ہے کہ نائب صدر پی ٹی آئی کو چکدرہ سے باجوڑ جاتے ہوئے حراست میں لیا گیا ہے۔ پی ٹی آئی ذرائع کے مطابق نائب صدر پی ٹی آئی کو چکدرہ سے باجوڑ جاتے ہوئے حراست میں لیا گیا۔ تحریک انصاف نے کہا کہ شیر افضل مروت باجوڑ کنونشن میں شرکت کے لیے جا رہے تھے۔

دوسری جانب کے پی کے پی پولیس نے نائب صدر پی ٹی آئی شیر افضل مروت کی گرفتاری کے پی ٹی آئی کے دعوے کی تردید کر دی ہے۔ میڈیا رپورٹ کے مطابق ڈپٹی انسپکٹر جنرل مالاکنڈ کا کہنا ہے کہ شیر افضل مروت کو گرفتار نہیں کیا گیا ہے۔

پاکستان تحریک انصاف نے پارٹی رہنماؤں اور ورکرز کی غیر قانونی گرفتاریوں اور اغواء کا نوٹس لینے کا مطالبہ کیا ہے۔ خیال رہے کہ شیر افضل مروت اس وقت خیبر پختون خواہ میں پاکستان تحریک انصاف کے انتہائی کامیاب جلسے منعقد کر رہے ہیں جس کی وجہ سے تحریک انصاف کی سیاسی طاقت میں اضافہ ہوتا جا رہا ہے۔