خیبرپختونخوا میں سکیورٹی فورسز کی کارروائیاں، 22 خوارج ہلاک، 6 اہلکار شہید
خیبرپختونخوا میں سکیورٹی فورسز نے تین مختلف کارروائیاں کرتے ہوئے 22 خوارج کو ہلاک کر دیا، جبکہ فائرنگ کے تبادلے میں 6 اہلکار شہید ہوگئے۔
پاک فوج کے شعبہ تعلقات عامہ (آئی ایس پی آر) کے مطابق ٹانک کے علاقے گل امام میں انٹیلی جنس کی بنیاد پر آپریشن کیا گیا، جس میں 9 خوارج مارے گئے اور 6 زخمی ہوئے۔
شمالی وزیرستان میں دوسری کارروائی کے دوران سکیورٹی فورسز نے 10 خوارج کو ہلاک کیا۔
ہنگو کی تحصیل ٹل میں خوارج نے چوکی پر حملہ کرنے کی کوشش کی، جسے فورسز نے ناکام بناتے ہوئے 3 خوارج کو مار دیا۔
آئی ایس پی آر نے بتایا کہ ان کارروائیوں کے دوران خوارج سے شدید فائرنگ کے تبادلے میں 6 اہلکاروں نے جام شہادت نوش کیا۔
