موسم سرما کی چھٹیوں میں پرائیویٹ تعلیمی ادارے کھولنے پر پابندی عائد کر دی گئی۔ تعلیمی ادارے کھولنے پر بھاری جرمانہ یا سکول رجسٹریشن منسوخ کردی جائے گی۔ چھٹیوں کے دوران سکول میں پیپرز لینے کی اجازت نہیں ہوگی دوران تعطیلات اساتذہ کو بھی سکول آنے کا پابند نہیں کیا جاسکے گا۔
ایجوکیشن اتھارٹی لاہور نے انسپکشن کیلئے ابھی سے ٹیمیں تشکیل دے دیں پانچ تحصیلوں کی مانیٹرنگ ڈپٹی ڈی ای اوز اور اے ای اوز کے ذریعے کی جائے گی۔ سی ای او ایجوکیشن لاہور کے مطابق سکول کھولنے پر 2 لاکھ روپے جرمانہ یا لائسنس منسوخ کردیا جائے گا۔ ایجوکیشن اتھارٹی نے شہر بھر کے سکولوں کو احکامات جاری کردیئے۔
واضح رہے کہ 18 دسمبر سے 31 دسمبر تک تمام سکولز کو سردیوں کی چھٹیاں دی گئی ہیں۔ اس دوران تمام سکولز اور کالجز بند رہیں گے۔ پنجاب حکومت نے ان چھٹیوں کے دوران سکول کھولنے والے مالکان کے خلاف سخت ایکشن لینے کا اعلان کردیا ہے۔
