چیئرمین پی ٹی آئی عمران خان کے وکیل لطیف کھوسہ کا آڈیو لیکس سے متعلق ردعمل سامنے آگیا ہے۔ اسلام آباد ہائیکورٹ میں پیشی کے بعد میڈیا سے گفتگو کے دوران صحافی نے لطیف کھوسہ سے سوال کیا کہ بشریٰ بی بی اور آپ کی گفتگو لیک ہوئی ہے، آپ کیا کہیں گے؟
اس کے جواب میں لطیف کھوسہ نے کہا کہ شرم آنی چاہیئے جس نے یہ ذاتی گفتگو لیک کی، یہ کلائینٹ اور وکیل کے درمیان گفتگو ہے جنہوں نے لیک کی انہیں شرم آنی چاہیئے، یہ ذاتی گفتگو اور کالز لیک کون کرتا ہے، اس حوالے سے جسٹس بابر ستار نے آرڈر دیا ہے وہ لوگ آکر عدالت کو بتائیں جو ایسی ذاتی نوعیت کی آڈیو لیک کر رہے ہیں۔
شرم آنی چاہیے جس نے ذاتی گفتگو لیک کی، یہ کلائنٹ اور وکیل کے درمیان گفتگو ہے، جسٹس بابر ستار نے آرڈر دیا ہے کہ یہ کون
آڈیو لیک کر رہا ہے، وکیل لطیف کھوسہ کا ردعمل۔۔۔!!! pic.twitter.com/piy9fTJ1KC— Mughees Ali (@mugheesali81) November 30, 2023
خیال رہے کہ
جیل میں موجود پاکستان تحریک انصاف کے چئیرمین عمران خان کی اہلیہ بشریٰ بی بی اور انکی بہنوں کے درمیان اختلافات سے متعلق مبینہ آڈیو سامنے آ گئی ہے۔ عمران خان اور بشریٰ بی بی کے وکیل لطیف کھوسہ اور بشریٰ بی بی کو آڈیو میں سنا جا سکتا ہے۔
آڈیو میں بشریٰ بی بی کہتی ہیں کہ وہاں مسئلہ پڑ گیا کیونکہ عمران خان کی بہنیں بھی ساتھ تھیں، کافی سارا ایشو کھڑا ہوا، میں حیران رہ گئی مگر پھر میں نے زیادہ بات کرنا مناسب نہیں سمجھا اور میں نے عمران خان صاحب کو کہا کہ میرے تو سارے کیسز وہی (لطیف کھوسہ) کریں گے اور آپ کے جتنے کیسز اب ہوں گے جنہیں میں سمجھوں گی کہ اب یہ لیٹ ہو رہے ہیں تو وہ میں انہی (لطیف کھوسہ) کو دوں گی۔
اس کے جواب میںلطیف کھوسہ بولے بہر کیف وہ کہتی ہیں کہ میرے ساتھ اس نے بدتمیزی کی ہے، میں نے۔۔ اصل میں ہوا یوں ۔۔۔
یہاں ہر بشزریٰ بی بی لطیف کھوسہ کی بات کاٹ کر کہتی ہیں کہ انہوں نے کہا کہ اس نے ہمارے ساتھ اتنی بدتمیزی کی ہے کہ ہم سوچ بھی نہیں سکتے تھے کہ کسی کی ہمت ہو اتنی۔ تو میں نے ان (بہنوں) کو یہ کہا کہ ۔۔۔ ان کو کیا ضرورت تھی کہ تینوں اٹھ کر ان کے آفس چلی جائیں۔ میں نے کہا یہ کون ہوتی ہیں پوچھنے والی؟ وہ (بہنیں) کہتی ہیں نہیں ہم پوچھنے گئے تھے کہ آپ نے یہ والی، زہر والی لائن کیوں لکھی ہے؟ وہ جس طریقے سے بول رہی تھیں، میں نے کہا اس طریقے سے مت بولیں۔ تو وہ (بہنیں) کافی بولیں، بہت زیادہ بولیں۔ مگر خان صاحب کو میں نے کہہ دیا جی نہیں بس میرے وکیل وہی ہیں، پھرمیں اٹھ کر آ گئی۔
اس پر لطیف کھوسہ بولے کہ بہر کیف پتہ نہیں ان کو کیا مسئلہ ہے؟
مزید اس آڈیو میں کیا بات ہوئی خود سنیں
Breaking News:
Chairman PTI Imran Khan's wife Bushra Bisi and Sardar Latif Khosa Audio leak today. pic.twitter.com/qPdslKI2pd— Malik Ali Raza (@MalikAliiRaza) November 30, 2023
