سلمان اکرم راجہ کے پی ٹی آئی سیکرٹری جنرل کے عہدے سے مستعفی ہونے کی وجہ سامنے آگئی

سلمان اکرم راجہ کے پی ٹی آئی سیکرٹری جنرل کے عہدے سے مستعفی ہونے کی وجہ سامنے آگئی۔تفصیلات کے مطابق پی ٹی آئی سیکرٹری جنرل سلمان اکرم راجہ نے عہدے سے استعفی دے دیا۔
پی ٹی آئی کے ڈی چوک پر احتجاج کی ناکامی کے بعد پارٹی میں بڑی تبدیلیاں دیکھنے میں آ رہی ہیں۔پی ٹی آئی قیادت کو کارکنان کی جانب سے سخت تنقید کا سامنا کرنا پڑ رہا ہے۔مسلسل تنقید کے بعد سلمان اکرم راجہ عہدے سے مستعفی ہوگئے۔میڈیا ذرائع کے مطابق سلمان اکرم راجہ کو لاہور سے قافلہ لے کر اسلام آباد جانے کی ذمہ داری سونپی گئی تھی۔راستے بند ہونے کے بعد سلمان اکرم راجہ کی جانب سے لاہور میں ہی احتجاج کا پلان بنایا گیا تھا تاہم سلمان اکرم راجہ لاہور میں بھی ورکرز کو نکالنے میں ناکام رہے تھے۔اس تمام صورتحال میں سوشل میڈیا پر سلمان اکرم راجہ سمیت دیگر پی ٹی آئی قیادت پر سخت تنقید کی جا رہی تھی۔