اسلام آباد(ویب ڈیسک) سابق چیف جسٹس آف پاکستان ثاقب نثار سے منسوب ایک آڈیو کلپ کی توثیق کرنے والی امریکی فرم کا کہنا ہے کہ انہیں بے شمار کالز اور چیٹ موصول ہورہی ہیں اور ایک کال کرنے والے نے دھمکی دی ہے کہ اس کے ملازمین کی جان کو خطرہ ہے۔
گیریٹ ڈسکوری کا کہنا ہے کہ دھمکی اور کال کا مقصد "مختلف نتیجہ حاصل کرنا تھا۔”
Today we received a call saying our lives are in danger and the same person said he is going to file in court against us for our work authenticating a file for FactFocus. 1000+ calls and chat requests on our site. Threatening our team to obtain a different result is unethical.
— Garrett Discovery (@garrettdiscover) November 23, 2021
فرانزک فرم کا یہ بھی کہنا ہے کہ اس نے تصدیق نہیں کی کہ وائرل ہونے والے آڈیو کلپ میں آواز جسٹس (ر) ثاقب نثار کی تھی۔
ملٹی میڈیا فرانزک میں مہارت رکھنے والی فرم گیریٹ ڈسکوری نے آڈیو کلپ کی جانچ کی اور تصدیق کی کہ اس میں کسی بھی طرح سے ترمیم نہیں کی گئی ہے۔
پاکستانی نژاد امریکی ویب سائٹ فیکٹ فوکس کی طرف سے کلپ جاری ہونے کے بعد سے گیرٹ ڈسکوری جسٹس نثار سے منسلک آڈیو کے بارے میں ٹویٹ کر رہی ہے۔
تازہ ترین ٹویٹ میں کمپنی نے کہا کہ اسے ایک کال موصول ہوئی ہے جس میں دھمکی دی گئی ہے کہ اس کے ملازمین کی جان کو خطرہ ہے۔ اس میں مزید کہا گیا ہے کہ کال پر موجود شخص نے فیکٹ فوکس کے لیے ایک فائل کی تصدیق کرنے پر گیرٹ ڈسکوری کے خلاف قانونی چارہ جوئی کا انتباہ دیا۔
ایک دن پہلے، گیریٹ ڈسکوری نے ٹویٹ کیا تھا کہ وہ سماء ٹی وی کے سوالات کا جواب نہیں دے گا۔
تاہم بعد ازاں اس نے اپنی پوزیشن اس وقت بدلی جب سماء ٹی وی کے امریکی نمائندے یاسر فیروز نے فرم کے سربراہ اینڈریو گیریٹ سے رابطہ کیا اور اس آڈیو کلپ کے بارے میں پوچھا جس کی ان کی فرم نے جانچ کی تھی۔
https://t.co/B6QvRkrS2T called and we are not going to answer questions about our client, the work or make an opinion over the phone.
— Garrett Discovery (@garrettdiscover) November 23, 2021
گیریٹ نے کہا کہ انہیں اس شخص کے بارے میں کوئی علم نہیں ہے جس کی آواز کلپ میں ہے۔ انہوں نے مزید کہا کہ ان کی فرم نے صرف ٹیپ کی فرانزک رپورٹ ان کے کلائنٹس، فیکٹ فوکس کو فراہم کی تھی اور وہ اس رپورٹ پر قائم ہیں۔
جب ان سے پوچھا گیا کہ کیا فرم ایک آڈیو کلپ کی شناخت کر سکتی ہے جسے ایک ساتھ رکھا گیا ہے، گیریٹ نے کہا کہ اس سوال کو فیکٹ فوکس کو بھیجنا چاہیے۔
"ایک کلائنٹ ہمارے پاس آڈیو کلپ لے کر آیا۔ ہم نے اس کا جائزہ لیا اور انہیں رپورٹ دی۔ اگر اس رپورٹ کو سیاسی مقاصد کے لیے استعمال کیا جائے تو ہمیں فکر نہیں ہے،‘‘ گیریٹ نے کہا۔
