خاور مانیکا کے انکشافات پر فردوس عاشق اعوان کا ردعمل

خاور مانیکا کا بشری بی بی اور چئیرمین پی ٹی آئی کے بارے انکشافات پر مبنی بیان کا معاملہ، استحکام پاکستان پارٹی کی مرکزی سیکرٹری اطلاعات ڈاکٹر فردوس عاشق اعوان کا رد عمل بھی سامنے آگیا۔ ڈاکٹر فردوس عاشق اعوان نے کہا ہے کہ بالآخر پیری مریدی کی آڑ میں ہونے والے بڑھاپے کے معاشقے کی حقیقت بے نقاب ہو گئی، خاور مانیکا کی ازدواجی زندگی خوار کرنے میں دیسی رومیو اور جولیٹ دونوں برابر کے شریک ہیں۔

رہنما آئی پی پی نے کہا ہے کہ ملک کے وزیراعظم نے مرید اعظم بن کر عشق کی عظیم داستان رقم کی ہے۔ بشری بی بی کے خاتون اول بننے کے خواب نے ایک ہنستے بستے گھر کو اجاڑ دیا۔ فرح گوگی کو اس معاشقے کی سہولت کاری کا بھرپور صلہ دیا گیا ہے۔ فرح گوگی کے اقتدار کے مزے لوٹنے کے پیچھے پیغام رسانی کی خدمات تھیں۔

انہوں نے مزید کہا کہ بشری خاور مانیکا سے بشری عمران خان نیازی بننے کا سفر داستان شرمندگی کے سوا کچھ نہیں ہے۔ پیری مریدی کے نام پر نیک بن کر ڈیٹ کرنے والے رومیو جولیٹ ہی نو مئی کے آرکیٹیکٹ ہیں۔