عمران خان کے ساتھ کھڑے ہیں، کھڑے رہیں گے، پرویز الہیٰ

سابق وزیراعلیٰ پنجاب اور پاکستان تحریک انصاف کے صدر چوہدری پرویز الہیٰ نے عدالت پیشی کے موقع پر کہا ہے کہ عمران خان کے ساتھ کھڑے ہیں، کھڑے رہیں گے۔ انہوں نے کورت رپورٹر کے ساتھ غیر رسمی گفتگو میں انکشاف کیا کہ عمران خان ان کے ساتھ والی سیل میں ہیں اور آئی ایم ایف اور یورپی یونین کے لوگ عمران خان سے ملاقات کرنے آتے ہیں۔ چوہدری پرویز الہیٰ نے کہا کہ اس بار عمران خان اور پی تی آئی کو اتنے ووٹ پڑین گے جس کی کوئی حد نہیں ہے۔

صدر پی ٹی آئی نے مزید کہا کہ ہمارے اسٹیبلشمنٹ کے ساتھ ہمیشہ اچھے تعلقات رہے ہیں، الیکشن کی تاریخ سپریم کورٹ کے کہنے پر ملی ہے۔پرویز الہیٰ نے دعوی کیا کہ اس الیکشن میں دھاندلی نہیں ہو گی۔دوسری جانب لاہور ہائیکورٹ راولپنڈی بنچ نے اڈیالہ جیل میں سابق وزیر اعلی پنجاب چوہدری پرویز الہی کو بی کلاس کی سہولیات کی عدم فراہمی بارے رپورٹ طلب کر لی۔

سابق وزیر اعلی پنجاب چوہدری پرویز الہی کو اڈیالہ جیل میں بی کلاس کی سہولیات نہ دینے کے خلاف دائر رٹ پیٹشن پر لاہور ہائیکورٹ راولپنڈی بنچ میں جمعہ کو سماعت ہوئی ۔ سماعت جسٹس صداقت علی خان نے کی ۔ فاضل عدالت نے ہوم سیکرٹری پنجاب اور سپرنٹنڈنٹ اڈیالہ جیل سے پرویز الہی کی شکایات کے ازالے کی بابت ایک ہفتے میں تفصیلی رپورٹ طلب کرلی ۔