وفاقی حکومت نے حج پالیسی 2024 کا اعلان کر دیا ہے، پالیسی کے مطابق 2024 کے حج پیکج میں ایک لاکھ روپے کی کمی کردی گئی ہے۔ وفاقی وزیر مذہبی امور انیق احمد نے پریس کانفرنس کرتے ہوئے کہا ہے کہ گزشتہ سال حج 11 لاکھ 75 ہزار کا تھا جبکہ ہم اس پیکج کو 10 لاکھ 75 ہزار تک لے آئے ہیں۔ ہم نے ایک لاکھ روپے بغیر کسی سمجھوتے کے کم کردیے ہیں اور سہولیات میں کوئی کمی نہیں کی گئی۔ انیق احمد نے کہا کہ ہم چاہتے ہیں کہ ایک لاکھ کے ریلیف کے علاؤہ جتنا ریلیف ائیرلائنز سےمل سکتا ہے وہ لیں، ہم ائر لائنز کے ساتھ مسلسل مشاورت کر رہے ہیں تاکہ زیادہ سے زیادہ حاجیوں کو فائدہ دیا جا سکے۔
انہوں نے مزید کہا کہ سار انتظامات کے بعد جتنے بھی پیسے بچے وہ حاجیوں کے اکاؤنٹس میں جائیں گے۔ حجاج کو ہر چیز مفت فراہم کی جائے گی۔ انہوں نے کہا کہ ہم نے 2024ء کے حج کو ڈیجیٹائز کردیا ہے، ہم "پاک حج” ایپلی کیشن متعارف کروا رہے ہیں، اس کے ساتھ 7 جی بی ڈیٹا بھی ہر حاجی کو مفت دیا جائے گا، اگر نیٹ ختم ہو جائے تو اس صورت میں بھی یہ ایپلی کیشن پاک حج استعمال ہو سکے گی۔ پاکستانی حاجیوں کو لوکل کالز بھی اس ایپ پر میسر ہوں گی پاکستان کی طرح ان کا موبائل سعودیہ میں کام کرے گا، 90 ہزار عازمین کو 30 کلو والا سوٹ کیس دیں گے، اس سوٹ کیس پر عازم حج کی تمام تفصیلات درج ہوں گی۔
نگران وزیر حج نے مزید کہا کہ ہم وقت سے قبل یہ کام اس لیے کررہے ہیں تاکہ کوئی افراتفتری نہ مچے، کیٹرنگ، ہوٹلز سمیت ائر لائنز سے مشاورت ہو گئی ہے۔ ہم اپنی خواتین کو پاکستانی پرچم جیسا عبایا بھی فراہم کریں گے، ہم شارٹ پیکج بھی متعارف کرا رہے ہیں تاکہ 20 دن تک حجاج حج کر کے واپس آجائیں، ہمارا کل کوٹہ 1 لاکھ 79 ہزار 210 ہے جس میں پچاس فیصد نجی کوٹہ ہوگا، اوور سیز پاکستانی سپانسر شپ سکیم کے تحت ڈالرز بھیج کر حج اور حج بدل کراسکتے ہیں۔ پاکستانی حاجیوں کو الگ رہائش کی سہولت بھی دی جائے گی، کوئی حاجی مدینہ میں 8 دن سے کم رہنا چاہے گا تو اس کی بھی سہولت میسر ہوگی، روڈ ٹو مکہ پراجیکٹ میں گزشتہ سال اسلام آباد میں امیگریشن ہوتی رہی، ہم نے پشاور، کراچی، کوئٹہ کو بھی روڈ ٹو مکہ شامل کرنے کا مطالبہ کیا ہے، سعودی حکومت نے کراچی کو شامل کردیا ہے اس کے لاہور پر کام جاری ہے۔
2030 تک پاکستان کی 50 فیصد گاڑیاں الیکٹرک ہوں گی: بی وائے ڈی پاکستان پاکستان کی آٹو موبائل صنعت میں…
فٹبال کی دنیا میں عجیب حادثہ، چھینک سے کھلاڑی زخمی انگلینڈ: انگلش فٹبال کی لیگ ون میں بولٹن وانڈررز کے…
قاتل خواتین کا خوفناک گروہ بے نقاب آندھرا پردیش، بھارت: بھارتی ریاست آندھرا پردیش میں پولیس نے تین ایسی خواتین…
عمر ایوب کا بطور سیکرٹری جنرل استعفا منظور اسلام آباد: پاکستان تحریک انصاف کے مرکزی رہنما عمر ایوب کا بطور…
آئینی خلاف ورزی یا بدنیتی پر ہی عدلیہ پالیسی معاملات کا جائزہ لے سکتی ہے: جسٹس یحییٰ آفریدی اسلام آباد:…
عمران خان نے گولڈ اسمتھ فیملی کے ذریعے اسرائیلی حکام کو پیغامات بھیجے،اسرائیلی اخبار کا دعوی تل ابیب: اسرائیلی اخبار…