سائفر کیس، عدالت نے شاہ محمود قریشی کی درخواست ضمانت پر فیصلہ سنا دیا

اسلام آباد ہا ئیکورٹ نے سائفر کیس میں پاکستان تحریک انصاف کے نائب چیئرمین اور سابق وزیر خارجہ شاہ محمود قریشی کی درخواست ضمانت پر فیصلہ محفوظ سنا دیا گیا ہے۔سائفر کیس میں عدالت نے شاہ محمود قریشی کی ضمانت مسترد کر دی ہے۔ سائفر کیس میں شاہ محمود قریشی کی درخواست ضمانت پر چیف جسٹس اسلام آباد ہائی کورٹ نے سماعت کی۔ سماعت کے دوران اسپیشل پراسیکیوٹر نے کہا کہ 17 اکتوبر کو شاہ محمود قریشی نے 9 اکتوبر کے آرڈر پر دستخط کئے تھے، 23 اکتوبر کو قانونی تقاضے پورے کرکے فرد جرم عائد ہوئی تھی، قانون میں صرف کاپیز فراہم کرنے کا ذکر ہے، ملزم کے وصول کرنے کا ذکر نہیں ہے۔

اگر ملزم تعاون نہ کر کے کاپیز وصول نا کرے تو اس سے عدالت کا کوئی تعلق نہیں، عدالت نے کاپیز سپلائی کر دیں، مقدمہ اس عدالت کے دائرہ اختیار میں تھا مگر لاہور ہائی کورٹ کا ایک سال تک حکم امتناع رہا، ایف آئی اے نے حکم امتناع خارج ہونے پر انکوائری مکمل ہونے پر کمپلینٹ پر مقدمہ درج کیا، کچھ آڈیو لیکس بھی اس کیس میں تھیں، پٹشنرز نے لاہور ہائیکورٹ میں ایف آئی اے کے نوٹسز چیلنج کئے۔

انہوں نے مزید کہا کہ  ایک سال سے اس کیس میں لاہور ہائیکورٹ میں اسٹے رہا ، پھر انہوں نے وہ پٹیشن واپس لے لی۔ اس کے بعد ایف آئی اے نے کاروائی شروع کی ایف آئی اے کے اندراج میں کوئی تاخیر نہیں ہے۔ اسپیشل پراسیکیوٹر ذوالفقار عباس نقوی نے کہا کہ ہم 15 سے 20 دن میں سائفر کیس کا ٹرائل مکمل کر سکتے ہیں،اگر عدالت ہمیں 15 سے 20 روز یا زیادہ سے زیادہ ایک ماہ دے تو ٹرائل مکمل کر دیں گے۔یہ ٹرائل کو آگے نہیں بڑھنے دیتے۔یہ کہتے ہیں ہر سماعت پر تین تین گواہوں کے بیانات ریکارڈ کریں۔

انہوں نے کہا کہ  سائفر کیس کا ٹرائل زیادہ سے زیادہ ایک ماہ میں مکمل ہو جائے گا، ایف آئی اے پراسکیوٹر نے کہا کہ ضمانت تب دی جاتی ہے جب ملزم کیخلاف شواہد موجود نہ ہوں۔ہماری گزارش یہ ہے کہ شاہ محمود قریشی بھی اس جرم کے ارتکاب میں برابر کے شریک ہیں۔ سائفر کیس میں شاہ محمود قریشی کی ضمانت پر فیصلہ محفوظ کر لیا گیا۔شاہ محمود قریشی کی فرد جرم عائد کرنے کے خلاف درخواست پر بھی فیصلہ محفوظ کر لیا گیا۔ چیف جسٹس عامر فاروق نے فریقین کے دلائل سننے کے بعد فیصلہ محفوظ کیا جو، اب سنا دیا گیا ہے۔