ائیر کوالٹی میں بہتری آنے پر لاک ڈاؤن ختم

نگران وزیر اعلیٰ پنجاب محسن نقوی  نے اپنے ٹویٹر پیغام کے زریعے سمارٹ لاک ڈاؤن ختم کرنے کا اعلان کرتے ہوئے کہا ہے کہ حالیہ بارش کی وجہ ائیر کوالٹی میں بہتری اور فضائی آلودگی میں کمی نوٹ کی گئی ہے۔ انہوں نے کہا کہ ماہرین اور محکمہ ماحولیات کی مشاورت سے فیصلہ کیا گیا کہ 11 نومبر کو مارکیٹیں کھلی رہیں گی اور ریسٹورنٹ بھی 6 بجے سے کھل جائیں گے۔

نگران وزیراعلیٰ ہنجاب محسن نقوی نے مزید کہا کہ سکول اور تمام تعلیمی ادارے اتوار تک بند رہیں گے۔

واضح رہے کہ گزشتہ روز صبح کے وقت ہونے والی بارش کے نتیجے میں لاہور سمیت پنجاب کے شہروں کا ائیرکوالٹی انڈیکس بہتر ہو گیا ہے اور ساتھ ہی سردی کی شدت میں بھی اضافہ ہو گیا ہے۔